The news is by your side.

Advertisement

اب وزیر اعظم پاکستان عمران خان ہی ہوگا: فیصل واوڈا

کراچی: پاکستان تحریک انصاف کے مرکزی رہنما فیصل واوڈا نے کہا ہے کہ اب وزیراعظم پاکستان عمران خان ہی ہوگا، تحریک انصاف بائیس سال سے ملک میں جدوجہد کر رہی ہے۔

ان خیالات کا اظہار انہوں نے اے آر وائی نیوز کے پروگرام ’الیونتھ آور‘ میں انٹرویو دیتے ہوئے کیا، فیصل واوڈا کا کہنا تھا کہ سسٹم میں شامل ہوئے بغیر سسٹم ٹھیک نہیں کیا جاسکتا، جہاں تک بات ہے نئے صوبے کی تو نیا صوبہ 100دن میں نہیں بن سکتا، سو دن میں نئےصوبے کے لیے حکمت عملی بن جائے گی۔

سابق وزیر اعظم نواز شریف پر تنقید کرتے ہوئے رہنما پی ٹی آئی کا کہنا تھا کہ نواز شریف اور مریم نواز 10 دن میں جیل جاتے ہوئے نظر آرہے ہیں جبکہ اسحاق ڈار بیٹھے ہوئے نہیں مفرور ہیں، اربوں روپے کی کرپشن میں ساتھ دینے والے انہیں نہیں چھوڑ سکتے۔



انہوں نے کہا کہ نواز شریف کی جھوٹ کی سیاست ختم ہوچکی ہے، مشرف کابینہ کے لوگ ان کے ارد گرد کھڑے ہیں، ڈان لیکس میں سزا ہوجاتی تو نواز شریف دوبارہ بیان نہ دیتے، ان کا بیانیہ بھارت، اسرائیل اور اچکزئی والا ہے، طلال چوہدری کسی دوسری جماعت میں جانے کی کوشش کررہے ہیں۔

پوچھے گئے ایک سوال پر فیصل واوڈا کا کہنا تھا کہ ایم کیو ایم نے مہاجر قوم کا استحصال کیا، وسیم اختر کیس میں اربوں روپے کی کرپشن ہے، خالد مقبول صدیقی اور خواجہ اظہار کا کرپشن سے کوئی تعلق نہیں، میں نے میئر کراچی کی کرپشن کا پرائیویٹ کمپنی سے آڈٹ کا مطالبہ کیا ہے۔


متحدہ کے بانی کو دوبارہ قائد بنانے کی کوشش کی جارہی ہے: فیصل واوڈا


ان کا مزید کہنا تھا کہ پرائیویٹ آڈٹ کمپنی کا بل میں ادا کروں گا، مجھے وسیم اختر نے مل کر ڈیل کرنے کا کہا، وسیم اختر نے مجھے کہا پیسے لے لو اور کیس سے پیچھے ہٹ جاؤ، میں ثبوتوں کے بغیر کسی پر الزام نہیں لگاتا، وسیم اختر کے ٹیم کے 2 لوگوں نے کہا ہمارا نام نہ لیں دیگر ثبوت لے لیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں