حکومت کے پہلے 100 دن سے متعلق عمران خان آج پارٹی رہنماؤں سے ملاقات کریں گے
The news is by your side.

Advertisement

حکومت کے پہلے 100 دن سے متعلق عمران خان آج پارٹی رہنماؤں سے ملاقات کریں گے

لاہور: وزیر اعظم عمران خان حکومت کے پہلے 100 دن سے متعلق پارٹی رہنماؤں سے ملاقات کریں گے اور پنجاب حکومت کو ٹاسک بھی دیں گے۔

تفصیلات کے مطابق تحریک انصاف کے سربراہ اور وزیر اعظم عمران خان کی آج پارٹی کے رہنماؤں سے ملاقات ہوگی اور وہ پنجاب کابینہ کے خصوصی اجلاس سے خطاب بھی کریں گے، جبکہ حکومت کے پہلے 100 دن سے متعلق پنجاب حکومت کو ٹاسک دیا جائے گا۔

ملاقات میں عمران خان این اے 131 پر پی ٹی آئی کے امیدوار کے نام کا فیصلہ کریں گے، حمزہ شہباز کی خالی نشست این اے 124 پر بھی امیدوار کا فیصلہ ہوگا۔

عمران خان کے پارٹی رہنماؤں سے ملاقات کے دوران دیگر اہم موضوعات پر بھی تبادلہ خیال کیا جائے گا، جبکہ این اے 131 اور این اے 124 دونوں حلقوں میں پی ٹی آئی کے 3،3 امیدواروں نے کاغذات جمع کرا رکھے ہیں۔

وزیراعظم عمران خان سے ایم کیوایم وفد کی ملاقات

دوسری جانب آج وزیراعظم عمران خان سے ایم کیو ایم کے وفد نے ملاقات کی، ملاقات میں وزیراعظم کا کہنا تھا کہ آئندہ ہفتے کراچی آرہا ہوں، کراچی کے حالات بہتر بنانا ہماری حکومت کی ترجیح ہے۔

واضح رہے کہ وزیراعظم عمران خان سے ایم کیوایم کے وفد کی وزیراعظم آفس میں ملاقات ہوئی ، ملاقات میں ایم کیوایم وفد نے وزیراعظم کو عہدہ سنبھالنے پر مبارکباد دی۔

خیال رہے کہ ملاقات کے دوران وزیراعظم کے معاون نعیم الحق اور گورنر سندھ نعیم الحق بھی موجود تھے جبکہ ایم کیو ایم کے وفد میں خالد مقبول صدیقی، ڈاکٹر فروغ نسیم، امین الحق، کنور نوید، نسرین جلیل اور وسیم اختر شامل تھے۔

Comments

comments

یہ بھی پڑھیں