The news is by your side.

Advertisement

دورہ امریکا سے متعلق کوئی غلط فہمی نہیں، عمران خان ٹرمپ سے ملاقات کریں گے: شاہ محمود

لندن: وزیرخارجہ شاہ محمود قریشی نے کہا ہے کہ وزیراعظم کے دورہ امریکا سے متعلق کوئی غلط فہی نہیں ہے، عمران خان صدر ٹرمپ سے ملاقات کریں گے۔

وزیرخارجہ شاہ محمودقریشی کا لندن میں میڈیا سے گفتگو کرتے ہوئے کہنا تھا کہ وزیراعظم کے دورہ امریکا سے متعلق تمام افواہیں مسترد ہوگئیں، اب تو وائٹ ہاؤس نے بھی دورے کی تصدیق کر دی ہے۔

انہوں نے کہا کہ وزیراعظم کے دورہ امریکا کو لے کر قیاس آرائیاں کی گئیں، وزیراعظم 20کو امریکا جاکر صدر ٹرمپ سے ملاقات کریں گے، مہنگائی کیوں ہوئی، اس کے بارے میں عوام کو آگاہ کریں گے۔

شاہ محمود کا کہنا تھا کہ کامن ویلتھ وزرا کی میٹنگ میں پاکستان کا مؤقف پیش کیا، پاکستان کی طرف سے اٹھائے گئے اقدامات سے آگاہ کیا، کامن ویلتھ کی ابتدا سے پاکستان اس کاممبر ہے۔

بعد ازاں وزیرخارجہ شاہ محمودقریشی کا پشتون کمیونٹی سے خطاب کرتے ہوئے کہنا تھا کہ پشتونوں نے آج لندن میں حب الوطنی کا بیج بویا ہے، تفریق ڈالنے کی کوشش کرنے والوں کے ارادے ناکام ہوں گے۔

خطے میں امن پر توجہ مرکوز ہے: وزیر خارجہ

ان کا کہنا تھا کہ قائداعظم کی قیادت میں سندھیوں، بلوچیوں، پنجابیوں اور پشتونوں کے ساتھ ساتھ بنگالیوں نے بھی حصہ لیا، انتشار پھیلانے کی کوشش کرنے والے ناکام ہوں گے۔

انہوں نے مزید کہا کہ مجھے برطانیہ میں مقیم پاکستانیوں پر فخر ہے، اوورسیز پاکستانیوں نے برطانیہ میں اپناوجود تسلیم کروایا، اوورسیز پاکستانیوں کیلئے پاکستان سب چیزوں پر فوقیت رکھتا ہے۔

Comments

comments

یہ بھی پڑھیں