The news is by your side.

Advertisement

‘عمران خان استعفیٰ دیں گے نہ ہی 2023 سے پہلے الیکشن ہوں گے’

لاہور: وزیراعظم کے معاون خصوصی شہباز گل کا کہنا ہے کہ عمران خان استعفیٰ دیں گے نہ ہی 2023 سے پہلے الیکشن ہوں گے، پی ڈی ایم کا ایجنڈا ملکی مفادات کا تحفظ نہیں صرف اپنا بچاؤ ہے۔

تفصیلات کے مطابق گور نرپنجاب چوہدری محمد سرور سے معاون خصوصی شہباز گل نے گورنر ہاوس میں ملاقات کی، اس موقع پر سیاسی اور حکومتی امور پر بات چیت کی گئی، گورنرپنجاب اور شہباز گل نے پی ڈی ایم کو 2023 انتخابات کے انتظار کا مشورہ دیا اور کہا دو ہزار تئیس سے پہلے الیکشن نہیں ہوں گے۔

معاون خصوصی کا کہنا تھا کہ کرپشن کے خاتمے اور شفاف احتساب پر سمجھوتا نہیں ہوگا، عمران خان استعفیٰ دیں گے نہ ہی 2023سےپہلےالیکشن ہوں گے، اپوزیشن اتحاد(پی ڈی ایم) کا ایجنڈا ملکی مفادات کا تحفظ نہیں صرف اپنا بچاؤ ہے، اپوزیشن کے جلسوں سے حکومت خوفزدہ نہیں ہوگی۔

دریں اثنا گورنر پنجاب نے کہا 2023 تک جنوری فروری مارچ آتے رہیں گے حکومت قائم رہے گی، پی ڈی ایم کے استعفوں سے حکومت نہیں ان کی اسمبلی رکنیت ختم ہوگی، وزیراعظم شفاف اور بلاتفریق احتساب سے پیچھے نہیں ہٹیں گے، مسائل کا حل مذاکرات ہیں لانگ مارچ اور دھر نے نہیں ہے۔

ان کا یہ بھی کہنا تھا کہ حکومت شفافیت اور میرٹ کو حقیقی معنوں میں یقینی بنا رہی ہے، آئین و قانون کی بالادستی کی ذمے داری حکومت پوری کرے گی، عوام اپوزیشن نہیں حکومت کےبیانیے کے ساتھ کھڑی ہے، پاکستان کاکامیابی سے آگے بڑھنامخالفین کو برداشت نہیں ہورہا۔

Comments

یہ بھی پڑھیں