site
stats
پاکستان

ہمیں آخری بارسڑکوں پرنکلنا پڑے گا، عمران خان

Imran khan

اسلام آباد : تحریک انصاف کے چیئرمین عمران خان نے کہا ہے کہ کچھ لوگ پاک فوج کو بدنام کرنے کی کوشش کررہےہیں، مجھے لگ رہا ہے کہ ہمیں آخری بار سڑکوں پر نکلنا پڑے گا، سیاسی تاریخ میں پی ٹی آئی کا دھرنا بہت اہمیت رکھتا ہے۔

ان خیالات کا اظہار انہوں نے اسلام آباد میں پی ٹی آئی کے ورکرز کنونشن سے خطاب کرتے ہوئے کیا۔ انہوں نے کہا کہ پاک فوج فاٹا سے کراچی تک قربانیاں دے رہی ہے۔

پاک فوج خود کہہ رہی ہے کہ ہم آئین اور جمہوریت کیساتھ کھڑے ہیں، میں خود کہتا ہوں کہ میں بھی پاک فوج کےساتھ کھڑا ہوں، کچھ لوگ پاک فوج کو بدنام کرنے کی کوشش کررہے ہیں، فوج اورعدلیہ کو بدنام کیا گیا تو اسلام آباد میں عوام کا سمندر لائیں گے، ہمیں دھرنے اورآنسو گیس کی پریکٹس ہوگئی ہے۔

ان کا کہنا تھا کہ اسلام آباد میں اتنے لوگ لائیں گے کہ کھڑے ہونے کی بھی جگہ نہیں ہوگی، سیاسی تاریخ میں پی ٹی آئی کا دھرنا بہت اہمیت رکھتا ہے۔

عمران خان نے کہا کہ ن لیگی جلسوں میں لوگ انتظار کرتے ہیں کب ختم ہو اور وہ بسوں میں سوار ہوں، ن لیگ کی حکومت شریف خاندان کو بچا رہی ہے، ان کا وزیراعظم کہہ رہا ہے کہ ہم عدالت کا فیصلہ نہیں مانتے، جب جےآئی ٹی بنی توانہوں نےمٹھائیاں بانٹیں،اب اسے بدنام کررہےہیں، جےآئی ٹی ممبران نے صحیح کام کیوں کیا یہ انہیں برا لگا۔

چیئرمین پی ٹی آئی نے کہا کہ ن لیگ عدلیہ اور فوج کو نشانہ بنانے کوشش کررہی ہے، ان کی کوشش ہے شریف خاندان کسی طرح فردجرم سے بچ جائے، فرد جرم عائد ہوگئی تو ان کا ملک سے باہر پڑا300ارب منجمد ہوجائے گا، یہ ہر وہ طریقہ اپنائیں گے جس سے وہ قوم کی توجہ ہٹاسکیں، شریف خاندان ڈاکے مار کر معصوم شکلیں بناتا ہے، دنیا میں ایسا کوئی قانون نہیں کوئی مجرم پارٹی کا صدربن جائے۔

انہوں نے مزید کہا کہ سب سے بڑا فراڈ دیکھا ہے لیکن احسن اقبال سے بڑا فراڈ نہیں دیکھا، خواجہ آصف امریکا میں کہتا ہے کہ نواز شریف کو بھارت سے دوستی کرنے پر نکالا گیا، آصف زرداری نےحسین حقانی سے مل کرامریکا میں پروپیگنڈا کیا۔

عمران خان نے کہا کہ پی ٹی آئی وہ جماعت ہے جو اچھی روایت قائم کررہی ہے، پی ٹی آئی کی بدولت وہ لوگ بھی سامنےآئے جن کا سیاست سے کوئی واسطہ نہیں تھا، پارٹی ممبرشپ کمپین کے ذریعے لیڈرشپ اور ورکرز میں رابطہ ہوگا، ویب سائٹ کےذریعے ورکرز سے تجاویز لی جائیں گی۔

چیئرمین پی ٹی آئی نے مزید کہا کہ ورکرز کو معلوم ہوگا کہ ان کی پی ٹی آئی میں کیا اہمیت ہے، ممبر شپ کمپین کےذریعےنچلی سطح تک پارٹی کی پوزیشن واضح کرنی ہے،  مجھے پہلے ہی بہت مشورے مل چکے ہیں، اب مشورہ دینے والا پارٹی فنڈ میں 10ہزار روپے جمع کرائے۔

آصف زرداری شکل سے ہی ڈاکو لگتا ہے

عمران خان نے پیپلز پارٹی کے شریک چیئرپرسن پر شدید تنقید کرتے ہوئے کہا کہ آصف زرداری شکل سے ہی بڑا ڈاکو لگتا ہےاوروہ چھپا بھی نہیں سکتا، آصف زرداری اور فریال تالپور نے مجھ پر ایک ایک ارب کاہرجانہ کردیا،
اسحاق ڈار،شہبازشریف نے بھی مجھ پر 10،10ارب کا ہرجانہ دائر کیا ہے۔

ان کے لئے ایک ارب اور دس ارب کی کوئی اہمیت ہی نہیں ہے، مجھ پراتنےہرجانے ہوچکےہیں کہ مجھے اربوں روپے دینے ہیں، مریم نواز آسکر وننگ پرفارمنس دکھانے کی کوشش کرتی ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top