لاہور : چیئرمین پی ٹی آئی عمران خان کی رہائش گاہ کے اطراف تجاوزات کیخلاف آپریشن کرتے ہوئے انتظامیہ 14فٹ اونچا کنٹینر بھی ساتھ لے گئی۔
اس حوالے سے ذرائع کا کہنا ہے کہ زمان پارک کے اطراف کی جانے والی تجاوزات کیخلاف کارروائی جاری ہے اس موقع پر لاہور کی انتظامیہ عمران خان کے لئے14فٹ اونچا سجایا جانے والے کنٹینر بھی ساتھ لے گئی۔
ذرائع کے مطابق کنٹینر کو بغیر چابی لگائے اور اگنیشن کی تاریں براہ راست جوڑ کر اسٹارٹ کر کے لے جایا گیا، انتظامیہ نےعمران خان کے گھر کے باہر سے کنٹینر ضبط کیا۔
چیئرمین تحریک انصاف کے خصوصی کنٹینر کو انتظامیہ نے لاہور کے بیجنگ انڈر پاس پھاٹک کے ساتھ روڈ پر لے جاکر کھڑا کردیا ہے۔
لاہور: انتظامیہ عمران خان کیلئے 14 فٹ اونچا سجایا جانے والے کنٹینر لے گئی#ARYNews pic.twitter.com/3AsqBRWlOb
— ARY NEWS (@ARYNEWSOFFICIAL) March 18, 2023
واضح رہے کہ آج صبح چیئرمین پی ٹی آئی عمران خان کی عدالت میں پیشی کیلئے لاہور سے اسلام آباد روانہ ہوتے ہی پولیس نے زمان پارک میں آپریشن شروع کردیا۔ ڈنڈا بردار پولیس اہلکاروں نے پی ٹی آئی کے متعدد کارکنوں کو گرفتار کرلیا اور کیمپس اکھاڑ پھینکے۔
مزید پڑھیں : پولیس گیٹ توڑ کر عمران خان کے گھر میں داخل
سی سی پی او لاہور نے پورے آپریشن کی خود نگرانی کی، بعد ازاں پولیس عمران خان کے گھر کے دروازے توڑ کر اندر داخل ہوگئی اور گھر کی تلاشی لی۔
