The news is by your side.

Advertisement

بھارتی اخبار نے وزیراعظم عمران خان کا اقدام ڈپلومیٹک ریوس سوئنگ قرار دےدیا

نئی دہلی : بھارتی اخبار نے وزیر اعظم عمران خان کے بھارتی پائلٹ کی رہائی کے اقدام کو ڈپلومیٹک ریوس سوئنگ قرار دیتے ہوئے کہا ریوس سونگ نے بھارت اوربی جے پی کو آؤٹ کر دیا ہے۔

تفصیلات کے مطابق بھارتی اخبار بھی وزیراعظم عمران خان کا متعرف ہوگیا اور وزیراعظم عمران خان کے اقدامات کو سفارتی کامیابی قرار دے دیا ۔

بھارتی اخبار نے کہا عمران خان کے ڈپلومیٹک ریوس سونگ نے بھارت اوربی جے پی کو آؤٹ کر دیا اور سفارتی محاذ پر بھارت کو پیچھے ہٹنے پر مجبور کردیا ہے۔

عمران خان نے سفارتی محاذ پر بھارت کو پیچھے ہٹنے پر مجبور کردیا ہے

آرٹیکل کے مطابق بھارت کوعمران خان کی جیسی سفارتی کامیابی کیلئے کافی وقت درکار ہوگا، اب پائلٹ کے رہائی کے اعلان کو مودی سرکار اپنی کامیابی کیسے قرار دے سکتی ہے؟ جبکہ بالاکوٹ آپریشن پر بھی کئی سوالات کھڑے کردیئے ہیں۔

بھارتی اخبار کا کہنا تھا عمران خان سیا ست میں بھی ایسے ہی ورسٹائل نکلے جیسے کرکٹ میں تھے، پاکستانی وزیر اعظم نے امن کے لئے بھارتی فوجی کو رہا کیا ہے اب نئی بھارتی حکومت کو عمران خان کی صورت میں انتہائی منجھے شخص کا سامنا ہے، وزیراعظم پاکستان نے موقع دیکھا اور اس کا پورا پورا فائدہ اٹھایا۔

نئی بھارتی حکومت کو عمران خان کی صورت میں انتہائی منجھے شخص کا سامنا ہے

آرٹیکل میں کہا گیا ہے کہ اجیت دوول کی جنگ پر مبنی پالیسی نے مودی سرکار کو ناکامی سے دوچارکردیا، مودی سرکار کو اڑی کی طرح کے ایک اور واقعے کی ضرورت تھی، مودی سرکار نے پلواما واقعے کو الیکشن میں جیت کیلئے استعمال کیا لیکن وزیراعظم عمران خان کی بھارتی پائلٹ کی غیرمشروط واپسی کااعلان کر کےسب کوحیران کردیا۔

اخبار نے دعویٰ کیا وزیر اعظم پاکستان نے بھارتی پائلٹ کی رہائی کااعلان کیا اور بھارت کو مذاکرات کی بھی پیشکش کی ہے لیکن بھارتی انتخابات سے پہلے مذاکرات کے شروع نہیں ہوں گے۔

گذشتہ روز وزیراعظم عمران خان نے قومی اسمبلی کے مشترکہ اجلاس میں خطاب کرتے ہوئے گرفتار بھارتی پائلٹ کو رہا کرنے کا اعلان کیا تھا اور کہا تھا کہ بھارت اس سےزیادہ کشیدگی کوآگے نہ بڑھائے، کشیدگی کم کرنے اور امن کو ہماری کمزوری نہ سمجھاجائے۔

انھوں نے کہا تھا پاکستان امن چاہتا ہے، چاہتے ہیں خطہ ترقی کرے اور غربت کا خاتمہ ہو، اس قسم کی کشیدگی نہ پاکستان کوفائدہ دیتی ہے نہ بھارت کوفائدہ دیتی ہے۔

fb-share-icon0
Tweet 20

Comments

comments

یہ بھی پڑھیں