The news is by your side.

Advertisement

عمران خان کی شادی، افواہوں کا بازارگرم، خاتون کے بیٹے کی تردید

اسلام آباد : تحریک انصاف کے چیئرمین عمران خان کی شادی تاحال ایک معمہ بنی ہوئی ہے، کپتان نے خبر کی تصدیق یا تردید نہیں کی، لیکن بشریٰ بی بی کے بیٹے نے والدہ کی شادی کی سختی سے تردید کردی ہے۔

تفصیلات کے مطابق چیئرمین پی ٹی آئی عمران خان کی شادی کی خبریں ایک بار پھر زبان زد عام ہوگئیں لیکن تاحال اس حوالے سے خود عمران خان یا ان کی پارٹی کی جانب سے کوئی تصدیق یا تردید نہیں کی گئی ہے۔

 خاتون بشریٰ بی بی کے صاحبزادے موسیٰ مانیکا نے خبر کی سختی سے تردید کرتے ہوئے خبر جاری کرنے والے صحافی کے اقدام کو باعث شرم قرار دے دیا۔

میڈیا سے گفتگو میں موسیٰ مانیکا کا کہنا تھا کہ یہ سچ ہےکہ میری کی والدہ عمران خان کی مرشد ہیں لیکن شادی کی بات بالکل جھوٹ اور بےبنیاد ہے۔

والدہ سےبات ہوئی تو انہوں نے بھی اس کی تردید کردی ہے، والدہ کی خلع کے سوال پر انہوں نے کہا کہ یہ ذاتی مسئلہ ہے جس پربات کرنا نہیں چاہتے۔

اس حوالے سے چکوال میں جلسے سے واپسی پر ایک صحافی نے پوچھا کہ خان صاحب شادی کی خبرکی تصدیق یاتردید؟ جس پرعمران خان کوئی جواب دیئے بغیر چلے گئے۔

میڈیا میں خبر نشر ہونے پر مختلف سیاسی اور مذہبی رہنماؤں نے عمران خان کو مبارکباد کے پیغامات بھی بھیجنا شروع کردیئے۔

عمران خان کی شادی سے متعلق سوال پر بلاول بھٹو نے کہا کہ اگر شادی ہوگئی ہے تو مبارک ہو، اور خبرغلط ہے توچلانی ہی نہیں چاہیے۔

وزیرداخلہ احسن اقبال نے کہا کہ شادی عمران خان کا حق ہے، یاد رہے کہ کپتان نے خبر کی تردید کی ہے نہ ہی تصدیق، لیکن وہ پہلے کہہ چکے ہیں کہ ہیٹ ٹرک ہوسکتی ہے۔

شیخ رشید بھی عمران خان کی شادی سے لاعلم نکلے، انہوں نے کہا کہ عمران خان سے سیاسی تعلق ہے ذاتی نہیں،اتنا شور مچاہے کوئی بات تو ہوگی، شادی ہوئی ہوگی تومبارک باد ضروردوں گا۔

Print Friendly, PDF & Email

Comments

comments

یہ بھی پڑھیں