The news is by your side.

عمران خان لاہور سے راولپنڈی کیلئے روانہ

لاہور: تحریک انصاف کے چیئرمین عمران خان لاہور سے راولپنڈی کیلئے روانہ ہوگئے ، عمران خان اسلام آباد سے بذریعہ سڑک راولپنڈی جائیں گے۔

تفصیلات کے مطابق پی ٹی آئی چیئرمین عمران خان اسلام آباد کیلئے روانہ ہوگئے ، عمران خان کے ساتھ طیارے میں ان کا اسٹاف موجود ہیں۔

عمران خان اسلام آباد پہنچ کر بذریعہ سڑک راولپنڈی جائیں گے۔

عمران خان کے زمان پارک سے ایئرپورٹ روانگی کے موقع پر زیرو ٹریفک کر دی گئی تھی ، ڈی آئی جی آپریشنز اور ایس ایس پی آپریشنزعمران خان کے ہمراہ تھے۔

دوسری جانب راولپنڈی میں تحریک انصاف کے جلسے سے متعلق پولیس حکام نے پارٹی قیادت کو تحریری طور پر سیکیورٹی ہدایات سے آگاہ کردیا ہے۔

جس میں کہا گیا ہے کہ عمران خان بُلٹ پروف جیکٹ بھی لازماً استعمال کریں اور گاڑی سے باہر نہ نکلیں۔

خیال رہے حقیقی آزادی مارچ میں شرکت کے لیے ملک بھر سے قافلے رواں دواں ہے ، عمران خان ساڑھے3 بجے تک لانگ مارچ کی قیادت کریں گے۔

عمران خان لانگ مارچ کے شرکا سے خطاب کریں گے، جس میں آئندہ کے لائحہ عمل کا اعلان کیا جائے گا۔

Comments

یہ بھی پڑھیں