The news is by your side.

عمران خان کا ٹوئٹر پر گوجرانوالہ کے عوام کو زبردست خراج تحسین

پاکستان تحریک انصاف کے چیئرمین اور سابق وزیراعظم عمران خان نے کہا ہے کہ گوجرانوالہ میں لوگ انصاف کے حصول کے لیے نکلے ہیں۔

پی ٹی آئی چیئرمین نے حقیقی آزادی مارچ کے حوالے سے گوجرانوالہ کے عوام کے جوش کو خروش پر سماجی رابطوں کی ویب سائٹ ٹوئٹر پر انہیں خراج تحسین پیش کیا ہے۔

عمران خان نے اپنے ٹوئٹ میں لکھا ہے کہ گوجرانوالہ میں انصاف کے حصول کے لیے لوگ نکلے، وہاں عوام حقیقی آزادی مارچ میں چارج ہوکر نکلے۔

سابق وزیراعظم نے مزید کہا کہ یہ یہ لوگ ہماری حقیقی آزادی کی جدوجہد کا ایک اہم حصہ ہیں۔

 

اس سے قبل ایک اور ٹوئٹ میں عمران خان نے کہا تھا کہ ہمارے حقیقی آزادی مارچ میں شرکت کے لیے گوجرانوالہ کے عوام غیر معمولی تعداد میں نکلے ہم نے آج تک اتنی بڑی تعداد میں عوام کو کسی مارچ میں شریک ہوتے نہیں دیکھا۔

پی ٹی آئی چیئرمین کا مزید کہنا تھا کہ ہم نے یہ مشاہدہ بھی کیا ہے کہ جوں جوں ہمارا مارچ اسلام آباد کی جانب بڑھ رہا ہے ہمارے لوگوں کے جوش و جذبے میں اضافہ ہوتا جا رہا ہے۔

عمران خان نے اپنے ٹوئٹر اکاؤنٹ پر ٹوئٹس کے ساتھ گوجرانوالہ میں لانگ مارچ کی ویڈیوز بھی پوسٹ کی ہیں۔

 

واضح رہے کہ پاکستان تحریک انصاف کا حقیقی آزادی مارچ آج چھٹے روز اپنی منزل کی جانب سفر کا آغاز کرے گا۔

پی ٹی آئی کے لانگ مارچ کا آغاز لاہور لبرٹی چوک سے گزشتہ جمعے کو ہوا تھا گوجرانوالہ میں عوام کے جوش و جذبے کو دیکھتے ہوئے عمران خان نے گوجرانوالہ میں حقیقی آزادی مارچ کا قیام بڑھا دیا تھا اور شرکا نے دو روز وہاں پہلوانوں کے شہر میں رُکے تھے۔
اس دوران کئی مقامات پر شہریوں کے ساتھ پہلوانوں نے بھی عمران خان اور مارچ کے قائدین اور شرکا کا شاندار استقبال کیا تھا۔

Comments

یہ بھی پڑھیں