لاہور : چیئرمین پی ٹی آئی عمران خان کا کہنا ہے کہ شاندار ریلی ان لوگوں کے لئے انتباہ ہے جو سپریم کورٹ اور آئین کی خلاف ورزی کا سوچ رہے ہیں۔
تفصیلات کے مطابق پی ٹی آئی کی یوم مئی کی ریلی میں عوام کی بھرپور شرکت پرعمران خان نے ویڈیو شیئر کرتے ہوئے کہا کہ ہماری یوم مئی کی ریلی کے لیے لاہور سے زبردست رسپانس ملا۔
Massive response from Lahore for our May Day rally – & this was at the start. Rally gaining even more momentum now. Let this be a warning to those who are thinking of defying SC & Constitution. Our ppl will not tolerate the mafia violating SC orders & Constitution by running pic.twitter.com/dpwndF980E
— Imran Khan (@ImranKhanPTI) May 1, 2023
انہوں نے کہا کہ شاندار آغاز کے بعد ریلی اور بھی زور پکڑ رہی ہے، یہ ان لوگوں کے لیےانتباہ ہے جو سپریم کورٹ اور آئین کی خلاف ورزی کا سوچ رہےہیں۔
اپنے ٹوئٹ میں سابق وزیراعظم کا کہنا تھا کہ عوام آئین کی خلاف ورزی کرنے والے مافیا کو برداشت نہیں کرے گی۔
واضح رہے کہ سابق وزیر اعظم عمران خان کی قیادت میں پاکستان تحریک انصاف کی "مزدور ریلی” نکالی گئی، جس میں بڑی تعداد میں پی ٹی آئی کے کارکنوں نے شرکت کی۔
چیئرمین تحریک انصاف عمران خان کا قافلہ اپنی منزل ناصر باغ پہنچا، کارکنان اپنے قائد کی ہدایت پر پیدل مارچ کرتے ہوئے ریلی میں شامل ہوئے، مرد و خواتین اور بوڑھے بھی ریلی کا حصہ بنے، ریلی مقررہ راستوں سے ہوتے ہوئے ناصر باغ پہنچی۔
ریلی کے اختتام پر چیئرمین تحریک انصاف عمران خان نے گاڑی کے اندر سے ہی کارکنوں سے خطاب کیا، سکیورٹی خدشات کے باعث عمران خان کو گاڑی سے نکلنے سے روک دیا گیا۔
ریلی شروع ہونے سے پہلے چیئرمین تحریک انصاف عمران خان کی جیمر والی گاڑی خراب ہو گئی، تکنیکی وجوہات کی بنا پر گاڑی خراب ہوئی، کلمہ چوک میں گاڑی کی تکنیکی خرابی دور کرنے کی کوشش کی گئی تاہم خرابی دور نہ ہونے کی صورت میں اسے واپس بھیج دیا گیا تھا۔
