The news is by your side.

Advertisement

میاں صاحب آپ کو جانا ہوگا، چئرمین پی ٹی آئی عمران خان

مظفرآباد: عمران خان نے کہا ہےکہ اوپر والے امپائر کی انگلی اٹھنے والی ہے میاں صاحب کو پویلین واپس جانا ہوگا،عمران خان مولانا فضل الرحمان کو بھی آڑے ہاتھوں لیا۔

تحریک انصاف نے مظفرآباد میں عوامی طاقت کا مظاہرہ کیا جلسے کپتان کا جوش خطابت اور کارکنان کا جوش بھی دیدنی تھا ، تحریک انصاف کے چیئرمین عمران خان نے جلسے خطاب کرتے ہوئے کہا کہ میاں صاحب بچ نہیں سکتے انہیں پویلین واپس جانا ہوگا۔

انکا کہنا تھا کہ نواز شریف ایئرپورٹ اور سڑکوں کا افتتاح کرکے احتساب سے بچ نہیں سکتے جبکہ اُنگلی اٹھ چکی ہے، اب وزیراعظم کو پویلین واپس جانا ہوگا۔

عمران خان کا کہنا تھا کہ وہ آزادکشمیر میں آکر ووٹ حاصل کرنے کیلئے جذباتی تقریر کا ڈرامہ نہیں کریں گے۔، وزیراعظم بننے کے بعد بھارت سے مسئلہ کشمیر پرخود بات کریں گے۔ وزیراعظم نواشریف بھارت سے کھل کر بات نہیں کرسکتے کیونکہ ان کے کاروباری مفادات وابستہ ہیں۔

عمران خان نے مولانا فضل الرحمان پر بھی جم کر گولا باری کی،ان کا کہنا تھا کہ مولانا فضل الرحمان وزیراعظم نوازشریف کو بچانے کے چکر میں ہیں۔

عمران خان نے جلسوں میں خواتین سے بدتمیزی کرنےوالوں کو وارننگ دیتے ہوئے خواتین کی حفاظت کیلئے ٹائیگر فورس بنانے کا اعلان کردیا۔

Comments

comments

یہ بھی پڑھیں