عمران خان کی بطور وزیراعظم نامزدگی کا اعلان آج ہوگا
The news is by your side.

Advertisement

عمران خان کی بطور وزیراعظم نامزدگی کا اعلان آج ہوگا

اسلام آباد : پاکستان تحریک انصاف پارلیمانی طاقت کا مظاہرہ کرنے کو تیار ہے، عمران‌ خان کی زیر صدارت نو منتخب ارکان پارلیمان کا اجلاس آج ہوگا، اجلاس میں عمران خان کو باضابطہ طور پر وزیراعظم کا امیدوار نامزد کیا جائے گا۔

تفصیلات کے مطابق مرکز میں حکومت سازی کیلئے تیار ہے، پاکستان تحریک انصاف کے نو منتخب ارکان پارلیمان کا اجلاس آج دوپہر 2 بجے نجی ہوٹل میں  ہوگا۔

اجلاس میں عمران خان کووزیراعظم کا امیدوار نامزد کیا جائےگا۔

پی ٹی آئی چیئرمین کی زیرصدارت ہونے والے اجلاس میں قومی اسمبلی میں اسپیکر اور ڈپٹی اسپیکر کی نامزدگی کا اعلان بھی متوقع ہے۔

عمران خان ارکان قومی اسمبلی کواہم فیصلوں پراعتماد میں لیں گے۔

دوسری جانب تحریک انصاف کوقومی اسمبلی میں اکثریتی ارکان کی حمایت حاصل ہوگئی ہے، آزادارکان کی شمولیت سے پی ٹی آئی کی قومی اسمبلی میں تعداد ایک سو پچیس ہوگئی ہے۔

اقلیتی و مخصوص نشستیں ملا کر پی ٹی آئی کو 174 ارکان کی حمایت حاصل ہے جب کہ تختِ لاہور پر راج کے لیے بھی تحریکِ انصاف کو 186 ارکان کی حمایت حاصل ہوگئی ہے۔

وزیراعظم کے انتخاب کے لئے ایم کیو ایم، ق لیگ، جی ڈی اے، بی اے پی، جمہوری وطن پارٹی کے شاہ زین بگٹی اور شیخ رشید احمد کپتان کو ووٹ دیں گے۔

خیال رہے عمران خان کی تقریب حلف برداری کی تقریب 13 اگست کو ہونے کا امکان ہے، جس میں پی ٹی آئی چیئرمین نے اپنی قیادت میں ورلڈ کپ جیتنے والی ٹیم کو وزیراعظم کی تقریب حلف برداری میں بلانے کا فیصلہ کیا ہے۔

واضح رہے کہ 25 جولائی کو ہونے والے انتخابات میں پی ٹی آئی اکثریتی جماعت بن کر سامنے آئی تھی، جو قومی اسمبلی کی 116 سیٹیں جیتنے میں کامیاب رہی تھی۔

پی ٹی آئی ترجمان فواد چوہدری نے اپنے ایک بیان میں کہا تھا کہ عمران خان وزرائے اعلیٰ اور وزراء کے فیصلے 11تاریخ تک کرلیں گے۔

Comments

comments

یہ بھی پڑھیں