The news is by your side.

Advertisement

عمران خان نے رمضان کی27ویں شب مسجد نبوی ﷺ میں عبادت میں گزاری

مدینہ منورہ : پاکستان تحریک انصاف کے سربراہ عمران خان نے رمضان کی27ویں شب مسجد نبوی ﷺ میں عبادت میں گزاری، وہ آج شام عمرہ کی ادائیگی کے لیے مکہ مکرمہ جائیں گے۔

تفصیلات کے مطابق پی ٹی آئی کے چئیرمین عمران خان چارٹرڈ فلائٹ سے سعودی عرب کے دو روزہ دورے پر مدینہ منورہ پہنچے، مدینہ منورہ کے شہزادہ محمد بن عبدالعزیز ائرپورٹ پر پی ٹی آئی کے مڈل ایسٹ کوارڈینیٹر ذوالقرنین علی خان اور سعودی افیشل نے ان کا استقبال کیا۔

عمران خان کے ہمراہ ان کی اہلیہ بشری بی بی، ذلفی بخاری، علیم خان ان کی اہلیہ اور عون چوہدری بھی تھے۔

چئیرمین تحریک انصاف نے اپنی اہلیہ بشریٰ مانیکا کے ہمراہ مدینہ منورہ میں روضہ رسول ﷺ پر حاضری دی اور نوافل ادا کیے۔

عمران خان نے رمضان المبارک کی ستائیسویں شب مسجد نبوی میں نوافل کی ادائیگی، عبادت اور دعائیں مانگنے میں گزاری، آج وہ عمرہ کے لئے مکہ مکرمہ روانہ ہو جائیں گے۔

ذرائع کے مطابق عمران خان روضہ رسول ﷺ پر حاضری کے بعد جدہ میں شوکت خانم فنڈ ریزنگ افطار ڈنر میں بھی شرکت کریں گے، تقریب کا اہتمام پی ٹی آئی کے مڈل ایسٹ کوارڈینیٹر ذوالقرنین علی خان نے کیا ہے۔

عمران خان عمرے کی ادائیگی کے بعد بدھ کو پاکستان روانہ ہوجائیں گے۔

اس سے قبل عمران خان مدینہ پہنچنے پربغیرجوتوں کےطیارے سےاترے، طیارے سے اترتے ہوئے صرف موزے پہن رکھے تھے جبکہ مسجدنبوی پہنچنے پر  ان کو پروٹوکول دیا گیا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں