قومی ٹیم کے کھلاڑیوں نے ورلڈکپ میں کامیابیوں پر اللہ کا شکر ادا کرتے ہوئے پوری قوم سے فائنل کے لیے دعاوں کی درخواست کی ہے۔
قوم کے لیے ویڈیو پیغام میں محمد رضوان، حارث روف اور شاداب خان نے فینز سے سپورٹ کرنے اور خصوصی دعائیں کرنے کی اپیل کی۔
وکٹ کیپر محمد رضوان نے کہا کہ اللہ کے شکر سے فائنل تک پہنچے ہیں ہماری طرف سے کوشش جاری ہے آپ لوگ دعائیں جاری رکھیں۔
Special praise for the fans 🫶
🗣️ @iMRizwanPak, @HarisRauf14 and @76Shadabkhan have a message for the supporters 👏#WeHaveWeWill | #T20WorldCup pic.twitter.com/Yy9xJT64mu
— Pakistan Cricket (@TheRealPCB) November 9, 2022
حارث رؤف نے کہا کہ مداحوں نے مشکل وقت میں ساتھ دیا تو آج یہاں تک پہنچے ہیں پورے ٹورنامنٹ میں شائقین نے زبردست سپورٹ کیا جس سے ہمیں اعتماد ملا۔
ان کا کہنا تھا کہ سڈنی گراونڈ میں جیسی سپورٹ ملی وہ ناقابل یقین ہے ٹیم کے لیے ایسے ہی دعائیں اور سپورٹ ضروری ہے۔
نائب کپتان شاداب خان نے کہا کہ ٹورنامنٹ کے اچھے اور برُے وقت میں فینز نے پورا سپورٹ کیا، اہم میچوں میں فینز کی سپورٹ کی وجہ سے ہمیں کامیابی ملی، فائنل میں بھی سپورٹ جاری رکھیں۔
