اسلام آباد : ملک میں چوبیس گھنٹے کے دوران مزید 2260 افراد میں کرونا وائرس کی تصدیق ہوگئی۔
نیشنل کمانڈ اینڈ آپریشن سینٹر کے جاری کردہ اعداد و شمار کے مطابق گزشتہ ایک روز کے دوران مزید 63 کرونا مریض انتقال کرگئے جس کے بعد کرونا سے مرنے والوں کی تعداد تاحال 9 ہزار 816 تک پہنچ گئی ہے۔
24 گھنٹے کے دوران ملک میں مزید 2260 افراد کرونا وائرس کی مہلک وبا میں مبتلا ہوگئے جس کے بعد ملک میں ایکٹو کیسز کی تعداد 39 ہزار 177 ہوگئی اور ان میں سے 316 مریض وینٹی لیٹرز پر زیر علاج ہیں۔
این سی او سی کا کہنا ہے کہ ملک بھر میں کرونا کے 4 لاکھ 20 ہزار 489 مریض صحتیاب ہوچکے ہیں تاہم ملک کے 615 اسپتالوں میں اب بھی کرونا کے 2840 مریض زیر علاج ہیں۔
این سی او سی کے جاری اعداد و شمار کے مطابق 24 گھنٹے کے دوران ملک میں 36 ہزار کرونا ٹیسٹ کیے گئے، اور اب تک 65 لاکھ 23 ہزار 842 کرونا ٹیسٹ کیے جاچکے ہیں، جس میں سے 4 لاکھ 69 ہزار 482 مصدقہ کرونا کیس سامنے آچکے ہیں۔
نیشنل کمانڈ اینڈ آپریشن سینٹر کی رپورٹ کے مطابق سندھ میں 2 لاکھ 9 ہزار429، پنجاب میں 1لاکھ 35ہزار 141،کے پی میں 56ہزار 875 کورونا کیس سامنے آچکے ہیں جبکہ اسلام آباد میں 39 ہزار 981 افراد میں کرونا وائرس کی تصدیق ہوئی۔
اعداد و شمار کے تحت گلگت بلتستان میں 4847، بلوچستان میں 18 ہزار 61 مصدقہ کیس رپورٹ ہوچکے ہیں جبکہ آزاد کشمیر میں کرونا کے 8 ہزار 148 کیسز سامنے آچکے ہیں۔
این سی او سی کا کہنا ہے کہ سندھ میں 3 ہزار 462 ،پنجاب میں 3 ہزار 858 افراد جبکہ کے پی 1596، اسلام آباد 404، بلوچستان میں 181 مریض انتقال کرچکے ہیں اور گلگت بلتستان میں 101، آزاد کشمیر میں 214 کرونا مریض لقمہ اجل بنے۔
