کراچی: ابراہیم حیدری پولیس نے بڑی کارروائی کرتے ہوئے رئیس مما کا ساتھی ایم کیو ایم لندن کا ٹارگٹ کلر زاہد بنگالی کو گرفتار کرلیا۔
تفصیلات کے مطابق کراچی پولیس نے شہرقائد کے علاقے ابراہیم حیدری میں کامیاب کارروائی کی جس کے نتیجے میں ایم کیو ایم لندن کے ٹارگٹ کلر زاہد بنگالی کی گرفتاری عمل میں آئی، گرفتار ملزم بدنام زمانہ کلر رائیس مما کا ساتھی ہے۔
پولیس کا کہنا ہے کہ ملزم زاہد بنگالی سے دستی بم اور پستول برآمد ہوئی، مبینہ ٹارگٹ کلر سیاسی مخالفین اور شہریوں کے قتل میں ملوث ہے، ملزم سے تفتیش کا آغاز کردیا گیا ہے۔
ایم کیوایم لندن سے تعلق رکھنے والے گرفتار ٹارگٹ کلر کے سنسنی خیز انکشافات
خیال رہے کہ گزشتہ روز بھی کراچی پولیس نے ایم کیوایم لندن سے تعلق رکھنے والے ٹارگٹ کلر کو گرفتار کیا تھا، ملزم نے اٹھارہ سال میں پینتیس افراد کی ٹارگٹ کلنگ کا اعتراف کرتے ہوئے انکشاف کیا تھا کہ بیس فیصد مافیا اور اسی فیصد سیاستدانوں نے شہر قائد کے حالات خراب کیے۔
نذیر شاہ کراچی میں اے آر وائی نیوز سے وابستہ سینئر صحافی اور کرائم رپورٹر ہیں، وہ 14 سال سے زائد عرصے سے اپنے شعبے میں مصروف عمل ہیں اور انویسٹیگیٹو نیوز بریکنگ میں مہارت رکھتے ہیں، اور کراچی کے جرائم اور پولیس نظام سے متعلق گہری سمجھ بوجھ کے حامل ہیں۔