The news is by your side.

Advertisement

بلوچستان میں کروناوائرس کے فعال کیسز 25 فیصد رہ گئے

کوئٹہ: محکمہ صحت بلوچستان کی تازہ رپورٹ میں کہا گیا ہے کہ صوبے میں کروناوائرس کے فعال کیسز 25 فیصد رہ گئے، بلوچستان میں کرونا سے صحت یاب افراد کی شرح بڑھ کر74 ہوگئی ہے۔

کرونا کی تازہ صورت حال سے متعلق محکمہ صحت بلوچستان کی رپورٹ کے مطابق صوبے میں مجموعی کرونا کیسز میں شرح اموات ایک فیصد رپورٹ ہوئی، گزشتہ روز وبا سے متاثرہ 86 مریض صحت یاب ہوئے۔

رپورٹ کے مطابق گزشتہ روز 333 ٹیسٹ میں سے 19 میں کرونا کی تصدیق ہوئی، صوبے میں مہلک وائرس سے صحت یاب مریضوں کی تعداد8399 ہوگئی، صوبے میں کوروناوائرس سے اموات کی تعداد 131 ہے۔

پاکستان میں کرونا کی تشخیص کے لیے 17 لاکھ ٹیسٹ، 2 لاکھ 63 ہزار مثبت، 5568 اموات

خیال رہے کہ پاکستان میں کرونا وائرس انفیکشن سے متاثرہ افراد کی تعداد بڑھ کر 2 لاکھ 63 ہزار 496 ہو گئی ہے، کیسز کی تعداد کے لحاظ سے 213 ممالک میں پاکستان دنیا کا 12 واں ملک ہے۔

گزشتہ چوبیس گھنٹوں کے دوران ملک میں 1,579 نئے کیسز سامنے آئے، جب کہ مزید 46 مریض جاں بحق ہو گئے، نیشنل کمانڈ اینڈ آپریشن سینٹر کی جانب سے جاری اَپ ڈیٹ کے مطابق نئے اور مہلک وائرس کو وِڈ نائنٹین سے پاکستان بھر میں 263,496 افراد متاثر ہو چکے ہیں، جب کہ اموات کی تعداد 5,568 ہو گئی ہے۔

Comments

یہ بھی پڑھیں