نئی دہلی : بھارتی دوشیزہ مٹی کے تیل سے بھرے لالٹین کو جلاتے ہوئے خود جھلس گئی۔
بھارتی کے متعدد علاقے آج بھی بجلی کی سہولت سے محروم ہیں جس کے باعث شہریوں کو چراغ اور لالٹین جلاکر روشنی کا انتظام کرنا پڑتا ہے جس کی وجہ سے آتشزدگی کے کئی واقعات پیش آچکے ہیں۔
حالیہ واقعہ بھارتی ریاست اڑیسہ کے ضلع سندرگڑھ میں آتشزدگی کا افسوسناک واقعہ رونما ہوا جس میں ایک لڑکی جل کر ہلاک ہوگئی۔
متوفیہ پیر کی رات گھر میں رکھے لالٹین کو مٹی کا تیل ڈال کر روشن کررہی تھی کہ اچانک لالٹین سے دوشیزہ کے کپڑوں میں آگ لگئی اور دیکھتے ہی دیکھتے آگ نے لڑکی کو اپنی لپیٹ میں لےلیا۔
رپورٹ کے مطابق آگ اتنی تیزی سے پھیلی کہ یونیورسٹی کی طالبہ زندہ جھلس گئی۔
متوفیہ کی شناخت سوپنیش وری منڈا کے نام سے ہوئی جو لاہوپڈ کی جامعہ سے تعلیم حاصل کررہی تھی، پولیس نے جھلسی ہوئی لاش کو پورسٹ مارٹم کےلیے اسپتال منتقل کردیا ہے۔
