بھارت میں بے رحم ماں نوازئیدہ بچے کو اسپتال میں اجنبی کے پاس چھوڑ کر فرار ہوگئی۔
بھارتی میڈیا کے مطابق واقعہ مہاراشٹر کے شہر اورنگ آباد میں پیش آیا جہاں ایکسرے کے لیے آئی خاتون بچے کو کسی اجنبی کو دے کر غائب ہوگئی۔
مذکورہ شخص نے بتایا کہ ایک خاتون ایکسرے ڈیپارٹمنٹ کے باہر اسے اپنا بچہ یہ کہہ کر چلی گئی کہ وہ ایکسرے نکلوا کر واپس آرہی ہے لیکن گھنٹوں گزرنے کے باوجود خاتون کا کچھ اتا پتہ نہیں چلا۔
اس شخص کے بقول کافی دیر گزرنے کے بعد جب خاتون واپس نہ آئی تو اس نے سیکورٹی گارڈز سے رابطہ کر کے سارا ماجارا بیان کیا۔
گارڈز نے فوری طور پر پولیس کو اطلاع دی اور معاملے سے آگاہ کیا، پولیس نے بچے کو طبی جانچ کے لیے اسپتال میں داخل کر وا دیا اور خاتون کی تلاش شروع کر دی۔
پولیس کا کہنا ہے کہ مذکورہ شخص کی مدد سے خاتون کا خاکہ تیار کیا جارہا ہے اور بیانات کی روشنی میں دستیاب وسائل کے ساتھ خاتون کی تلاش جاری ہے۔
