The news is by your side.

بھارت میں بوائے فرینڈ کے ہاتھوں لڑکی کے خوفناک قتل کا ایک اور واقعہ

بھارت میں بوائے فرینڈ کے ہاتھوں لڑکی کے خوفناک قتل کا ایک اور واقعہ پیش آیا ہے۔

بھارتی میڈیا رپورٹ کے مطابق ریاست اڑیسہ میں ایک لڑکے نے شک کے بنا پر اپنی دوست کو پہلے گولی مار کر قتل کیا اور پھر اس کی لاش جلا گر اسے جنگل میں دفنا دیا۔

اڑیسہ کی مقامی پولیس کے مطابق سچن اگروال نے دوران تفتیش اپنے جرم کا اعتراف کرتے ہوئے بتایا کہ میں پہلے اپنی دوست کو گولی مار کر قتل کیا اور پھر اسے دور ایک جنگل میں لیجا کر پیٹرول چھڑک کر اس کی لاش کو آگ لگادی، لاش چھپانے کے لیے میں نے اسے دفنا دیا۔

پولیس حکام نے بتایا کہ ملزم سچن اگروال لڑکی کے گھر والوں کے ساتھ مل کر انہیں دھوکا دیتا رہا اور مختلف کہانیاں گڑھتا رہا تاہم مختلف پہلوؤں سے واقعے کی تحقیقات کی تو سچن اگروال نے لڑکی کو قتل کرنے کا اعتراف کر لیا۔

واضح رہے کہ اس سے قبل بھی بھارت میں ایک واقعہ پیش آیا تھا جس میں بوائر فرینڈ نے اپنی گرل فرینڈ کو قتل کر کے لاش کے 35 ٹکڑے کر کے فریج میں رکھ دیےتھے، ملزم نے لاش کے ٹکڑے 18 دن میں مختلف مقامات پر پھینکے تھے۔

Comments

یہ بھی پڑھیں