نئی دہلی: بھارت میں احتجاجی جلسے کے دوران ’’پاکستان زندہ باد‘‘ کا نعرہ لگانے والی بہادر لڑکی کی اس کے باپ نے بھی مخالفت کردی۔
غیرملکی خبررساں ادارے کی رپورٹ کے مطابق دو روز قبل بنگلورو میں احتجاجی جلسے کے دوران امولیا لیونا نامی لڑکی نے پاکستان زندہ باد کا نعرہ لگایا جس پر پولیس نے لڑکی کو گرفتار کر کے اس کے خلاف بغاوت کا مقدمہ درج کر دیا ہے۔
اسی ضمن میں مقامی میڈیا سے گفتگو کرتے ہوئے لڑکی کے باپ اوس ولد نورونہا کا کہنا تھا کہ مولیا نے جلسے کے دوران جو نعرہ لگایا وہ ناقابل قبول ہے جس کے باعث تمام بھارتیوں کی دل آزاری ہوئی۔
انہوں نے کہا کہ ناصرف بھارتی بلکہ ہمارے خاندان والوں نے بھی میری بیٹی کی مخالفت کی، لیکن ہم سمجھتے ہیں کہ اسے ایک اور موقع دینا چاہیئے تاکہ وہ اتنی بڑی غطلیاں دوبارہ نہ کرے۔
بھارتی لڑکیوں نے مودی سرکار پر خوف طاری کردیا
اوس نورونہا کا مزید کہنا تھا کہ بیٹی کے متنازع بیان سے ہم سب شرمندہ ہیں، مجھے گلیوں میں شہری پکڑ کر مجھ سے زبردستی بھارت کے حق میں نعرے لگوارہے ہیں، یہ سب میری بیٹی کی وجہ سے ہوا ہے۔
بھارتی میڈیا کے مطابق نعرہ لگانے والی لڑکی کو جوڈیشل کسٹڈی پر 23 فروری تک جیل بھیج دیا گیا ہے۔
