کراچی میں درجہ حرارت 43 ڈگری سینٹی گریڈ رہنے کا امکان، ہیٹ ویو الرٹ جاری
The news is by your side.

Advertisement

کراچی میں درجہ حرارت 43 ڈگری سینٹی گریڈ رہنے کا امکان، ہیٹ ویو الرٹ جاری

کراچی: محکمہ موسمیات نے شہر قائد میں ہیٹ ویو الرٹ جاری کرتے ہوئے کہا ہے کہ کراچی میں آج درجہ حرارت 43 ڈگری سینٹی گریڈ رہنے کا امکان ہے۔

تفصیلات کے مطابق ایک جانب کراچی میں ماہ رمضان کے پہلے روزے سے ہی گرمی کی شدت میں اضافہ ہوگیا ہے، تو دوسری طرف کے الیکٹرک کی جانب سے بجلی کی طویل اور غیر اعلانیہ لوڈ شیڈنگ نے بھی شہریوں کا جینا محال کر دیا ہے۔

محکمہ موسمیات کی جانب سے جاری کردہ اعلامیہ میں کہا گیا ہے کہ آئندہ 5 سے 6 روز میں کراچی میں سینٹی گریڈ بڑھنے کا امکان ہے، جبکہ ہیٹ ویو کے باعث ہیٹ اسٹروک کا بھی خدشہ ہے، ہوا بند ہونے سے گرمی کی شدت زیادہ محسوس کی جائے گی۔


پہلا روزہ، کراچی میں شدید گرمی ، درجہ حرارت 41سینٹی گریڈ رہنے کا امکان


دوسری جانب کراچی میں ہیٹ ویو کی پیش گوئی پر وزیر اعلیٰ سندھ سید مراد علی شاہ نے بھی ہدایات جاری کردیں، وزیر اعلیٰ سندھ نے عوام کو سائے تلے میں رہنے کی ہدایت کرتے ہوئے سیکریٹری صحت اور کمشنر کراچی کو فون کی اور معاملات سے نمٹنے کے لیے الرٹ رہنے کو کہا ہے۔

وزیراعلیٰ سندھ نے موبائل اسپتال سروس کو فعال کرنے، اسپتالوں میں ہیٹ اسٹروک سینٹرز پر اسٹاف، ادویات فراہم کرنے کی بھی ہدایت دی، علاوہ ازیں ڈپٹی کمشنرز کو بھی مناسب مقامات پر ہیٹ اسٹروک سینٹرز متحرک کرنے کی ہدایت سمیت کے ایم سی اور ڈی ایم سیز کو بھی ہیٹ اسٹروک سینٹرز قائم کرنے کی تلقین کی ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں