The news is by your side.

Advertisement

کراچی ، ڈرائیور تیز رفتار ٹینکر لیکر گھر میں گھس گیا

کراچی : ڈیفنس میں تیز رفتار آئل ٹینکر بے قابو ہوکر گھر میں جاگھسا، خوش قسمتی سے حادثے کے نتیجے میں کوئی جانی نقصان نہیں ہوا۔

تفصیلات کے مطابق آئل و واٹر ٹینکر کے ڈرائیوروں کی غفلت اور لاپرواہی کے باعث شہر قائد میں روزانہ کسی نہ کسی شہری کو اپنی جان سے ہاتھ دھونا پڑتا ہے۔

روزانہ کی بنیاد پر ہیوی ٹریفک کی زد میں آکر شہریوں کے جاں بحق یا زخمی ہونے کے باوجود ٹریفک انتظامیہ ہیوی ٹریفک کےلیے پہلے سے موجود قوانین پر عمل درآمد کروانے میں ناکام ہے۔

ٹریفک قوانین پر عمل درآمد نہ ہونے کے باعث آج پھر کراچی میں خوفناک حادثہ پیش آیا ہے۔

ذرائع کے مطابق شہرقائد کے پوش علاقے ڈیفنس میں تیز رفتار آئل ٹینکر ڈرائیور سے بے قابو ہوکر گھر میں جاگھسا جس کے باعث گھر کی بیرونی دیواروں کو نقصان پہنچا ہے۔

ریسکیو اہلکاروں کا کہنا ہے کہ خوفناک ٹریفک حادثے کے نتیجے میں خوش قسمتی سے کوئی جانی نقصان نہیں ہوا۔

ریسکیو حکام کا کہنا ہے کہ حادثہ مبینہ طور پر بریک فیل ہونے کے باعث پیش آیا جس کے بعد ٹینکر ڈرائیور کے کنٹرول سے باہر ہوگیا۔

ذرائع کا کہنا ہے کہ پولیس کی جانب سے ٹینکر کو قبضے میں لے لیا گیا ہے۔

Comments

یہ بھی پڑھیں