The news is by your side.

Advertisement

خیبرپختونخوا میں 24 گھنٹے کے دوران کرونا سے 20 مریض انتقال کر گئے

پشاور: محکمہ صحت خیبرپختونخوا نے کہا ہے کہ صوبے میں 24 گھنٹے کے دوران کرونا سے 20 مریض انتقال کر گئے۔

محکمہ صحت خیبرپختونخواہ کے مطابق کرونا وائرس سے 24گھنٹے کے دوران 20 افراد جان کی بازی ہار گئے، جس کے بعد صوبے میں کرونا وائرس سے اموات کی تعداد561 ہوگئی۔

ترجمان محکمہ صحت نے بتایا کہ خیبرپختونخوامیں 24 گھنٹے میں 542 نئے کرونا کیسز رپورٹ ہوئے،صوبے میں کرونا سے متاثرہ افراد کی مجموعی تعداد 13ہزار1 ہوگئی۔

محکمہ صحت کے مطابق خیبرپختونخوا میں گزشتہ 24گھنٹے میں 84 مریض صحت یاب ہوئے،جس کے بعد صوبے میں اب تک وائرس سے 3450 مریض صحت یاب ہوچکے ہیں۔

ملک میں کرونا کے 4ہزار734 نئے کیس رپورٹ، مزید 97 اموات

واضح رہے کہ کرونا وائرس کی تباہ کاریاں اپنی شدت سے جاری ہیں، ملک بھر میں ایک دن میں کرونا وائرس کے 4 ہزار 734 نئے کیسز سامنے آئے، جس کے بعد مہلک وبا سے متاثرہ افراد کی مجموعی تعداد 59 ہزار 467 ہوگئی۔

این سی او سی کی جانب سے جاری رپورٹ میں کہا گیا ہے کہ ملک میں 24گھنٹے کے دوران کرونا وائرس سے97 افراد انتقال کرگئے ہیں جس کے بعد کرونا سے انتقال کرنے والوں کی مجموعی تعداد1935ہوگئی۔

Comments

یہ بھی پڑھیں