The news is by your side.

Advertisement

کویت میں ماہ صیام میں عوامی مقامات پر کھانا پینا جرم قرار

کویت سٹی : کویتی حکومت نے ماہ صیام کے دوران عوامی مقامات پر کھانا پینا ممنوع قرار دےدیا، خلاف ورزی کرنے والوں کو سخت سزاؤں کا سامنا کرنا پڑے گا۔

غیر ملکی خبر رساں ادارے کی رپورٹ کے مطابق خلیجی ریاست کویت میں رمضان المبارک کے مقدس مہینے میں روزے داروں کے جذبات اور ملکی قانون کے احترام میں عوامی مقامات پر کھانے پینے پر پابندی عائد ہوگئی، حکومت کویت نے شہریوں و تارکین وطن و تنبیہ کی کہ وہ ماہ صیام کے دوران اخلاقی اور مذہبی اقدار و رواج کو برقرار رکھیں۔

کویتی حکومت کا کہنا ہے کہ شہریوں و تارکین وطن کو عوامی مقامات پر کھانے پینے سے گریز کرنا ہوگا بصورت دیگر خلاف ورزی کرنے والوں پر بھاری جرمانے عائد کیے جائیں گے۔

حکومت کی جانب سے جاری کردہ اعلامیے میں کہا گیا ہے کہ ملکی قانون توڑنے کے جرم میں ایک ماہ قید اور 100 دینار جرمانے کا بھی سامنا بھی کرنا پڑے گا۔

Comments

یہ بھی پڑھیں