The news is by your side.

Advertisement

سعودی عرب میں غیرملکی کو ہوشیاری مہنگی پڑگئی

ریاض: سعودی عرب میں پولیس نے گھر میں نائی کی دکان کھولنے والے غیرملکی حجام کو گرفتار کرلیا، ملزم نے لاک ڈاؤن سے بچنے کے لیے گھر کو ہی بابر شاپ میں تبدیل کردیا تھا۔

غیرملکی خبررساں ادارے کی رپورٹ کے مطابق پولیس نے سعودی شہر جازان میں کارروائی کرتے ہوئے غیرملکی شہری کو دھرلیا، لاک ڈاؤن اور احتیاطی تدابیر کی خلاف ورزی کے تحت ملزم کے خلاف کارروائی کی جائے گی۔

متعلقہ ادارے کا کہنا ہے کہ شہر میں حفاظتی تدابیر پر عملدرآمد کے لیے تفتیشی دوروں کے دوران غیر ملکی حجام کی اطلاع ملی تھی، بعد ازاں تفتیشی ٹیموں نے مذکورہ غیر ملکی حجام کے ٹھکانے کا سراغ لگایا۔

سعودی عرب: گھر کو حجام کی دکان میں تبدیل کردینے والا شخص گرفتار

’حجام کے گھر سے ملنے والی تمام اشیا ضبط کر کے موقع پر تلف کردی گئیں اور گھر کو سیل کردیا گیا ہے‘۔

غیرقانونی اقدام اٹھانے پر ملزم کو سخت جرمانہ بھی ادا کرنا پڑا جبکہ دیگر کارروائی جاری ہے۔

یاد رہے کہ 27 اپریل کو جدہ کے علاقہ بنی مالک میں گھر کو باربر شاپ میں تبدیل کرنے والے غیر ملکی شخص کو حراست میں لے لیا گیا تھا۔ جدہ میں الشرفیہ کی بلدیہ کے انسپکٹرز نے بنی مالک محلے میں تفتیشی کارروائی کے دوران ایک باربر شاپ پر چھاپہ مارا، یہ شاپ غیر قانونی طریقے سے ایک عمارت میں قائم کی گئی تھی۔

Comments

یہ بھی پڑھیں