ایم کیوایم پابندی کیس‘ کوئی بھی رکن پیش نہیں ہوا -
The news is by your side.

Advertisement

ایم کیوایم پابندی کیس‘ کوئی بھی رکن پیش نہیں ہوا

کراچی: سندھ ہائی کورٹ میں ایم کیوایم پرپابندی سےمتعلق کیس کی سماعت ہوئی، ایم کیوایم کا کوئی بھی رکن عدالت میں حاضر نہیں ہوا.

تفصیلات کے مطابق سندھ ہائی کورٹ میں ایم کیوایم پرپابندی سےمتعلق کیس کی سماعت ہوئی، ایم کیوایم وکیل فروغ نسیم علالت کےباعث پیش نہ ہوئے.

متحدہ قومی موومنٹ کے صوبائی اورقومی اسمبلی کے ارکان میں سے کوئی بھی عدالت میں پیش نہ ہوا. واضح رہے کہ گزشتہ سماعت پرفروغ نسیم ارکان اسمبلی کی نمائندگی سےدستبردارہوچکے ہیں۔

یاد رہے کہ کیس کی سماعت گذشتہ سال بانی ایم کیو ایم کی متنازعہ تقریرکے بعد شہری کی جانب سے دائر کردہ درخواست کے بعد ہوئی ، درخواست گزار کا کہنا ہے کہ 22 اگست کی تقریر کے بعد متحدہ سیاسی پارٹی کی حیثیت کھو چکی ہے ، درخواست گزار نے استدعا کی کہ متحدہ کو ملک دشمن قرار دے کر پابندی عائد کی جائے۔

مزید پڑھیں: وفاقی حکومت کی ایم کیوایم پر پابندی لگانے کے لیے تیاری شروع

22 اگست کی متنازعہ تقریر کے بعد 30 اگست کی خبر کے مطابق ایم کیوایم قائد کی ملک مخالف تقریر اور میڈیا ہاوسز پر حملے کے الزام میں ایم کیوایم پر پابندی لگانے کی تیاری شروع کردی گئی تھیں، اٹارنی جنرل کی سربراہی میں قائم کمیٹی نے کام شروع کردیا تھا۔

مزید پڑھیں:الیکشن کمیشن نے ایم کیو ایم پر پابندی کی درخواست خارج کردی

یاد رہے کہ الیکشن کمیشن آف پاکستان میں اقبال ہزاروی نے ایم کیو ایم پر پابندی کے لیے درخواست دائر کی تھی جس میں موقف اختیار کیا گیا تھا کہ ایم کیو ایم کے بانی نے پاکستان مخالف نعرے لگا کر غداری کی.

Comments

comments

یہ بھی پڑھیں