The news is by your side.

Advertisement

مالی سال کی پہلی سہ ماہی، تجارتی خسارہ 100فیصد سے بڑھ گیا

کراچی: ادارہ شماریات کا کہنا ہے کہ مالی سال کی پہلی سہ ماہی کے دوران تجارتی خسارہ 100فیصد سے بڑھ گیا ہے، برآمدات 27.32 فیصد اضافے سے 6 ارب 96کروڑ ڈالر ریکارڈ کی گئیں۔

تفصیلات کے مطابق ادارہ شماریات نے پہلی سہ ماہی میں بیرونی تجارت کے اعدادوشمار جاری کردیے جس میں بتایا گیا کہ ملکی برآمدات 27.32 فیصد اضافے سے 6 ارب 96کروڑ ڈالر ہوگئیں جبکہ گزشتہ سال 5 ارب 47کروڑ ڈالر کی برآمدات کی گئی تھیں، درآمدات 65.08فیصد اضافے سے 18ارب 63کروڑ ڈالر رہیں۔

ادارہ شماریات کا کہنا ہے کہ گزشتہ سال 11 ارب 28کروڑ ڈالر کی درآمدات کی گئی تھیں، تجارتی خسارہ 11 ارب 66کروڑ ڈالر سے تجاوز کرگیا، گزشتہ سال کے 5.81ارب ڈالر کے مقابلے خسارہ100.62بڑھ گیا ہے۔

‘اگست کے مقابلے ستمبر میں برآمدات میں26.13فیصد اضافہ ہوا، ستمبر2021میں برآمدات کاحجم2ارب 38کروڑ ڈالر تھا، ستمبر2020 میں برآمدات کا حجم 1ارب 88 کروڑ ڈالر تھا۔’

اعدادوشمار میں کہا گیا ہے کہ ستمبر میں درآمدات میں 50.78 فیصد اضافہ ہوا، ستمبر 2021 میں درآمدات کا حجم 6 ارب 47کروڑ ڈالر تھا، ستمبر 2020 میں درآمدات کا حجم 4 ارب 29 کروڑ ڈالر تھا۔

Comments

یہ بھی پڑھیں