The news is by your side.

Advertisement

اسلام آباد میں گزشتہ 24گھنٹوں کے دوران 189 کرونا کیسز سامنے آئے

اسلام آباد: وفاقی دارالحکومت اسلام آباد میں گزشتہ 24گھنٹوں کے دوران 189 کرونا کیسز سامنے آئے۔

تفصیلات کے مطابق اسلام آباد میں ضلعی انتظامیہ کی بہترحکمت عملی اور اسمارٹ لاک ڈاؤن کے ثمرات سامنے آنے لگیں، دارالحکومت میں گزشتہ 24گھنٹوں کے دوران 189 نئے کرونا کیسز سامنے آئے۔

ڈپٹی کمشنر اسلام آباد نے بتایا کہ 26 جون کو اسلام آباد میں 271 جبکہ27 جون کو 225 کیسز سامنے آئے تھےانہوں نے بتایا کہ اسلام آباد میں ایس او پیز پرسختی سے عملدرآمد کروایا جا رہا ہے۔

محمد حمزہ شفقت کا کہنا تھا کہ ایس او پیز پر عمل نہ کرنے والے دکانداروں اور شہریوں کو جرمانے کیے جا رہے ہیں،ایس او پیز پر عملدرآمد نہ کرنے پر 618گاڑیوں کے چالان کیےگئے۔

ڈپٹی کمشنر اسلام آباد کے مطابق کرونا ایس او پیز پر عملدرآمد نہ کرنے پر 58گاڑیاں بندکی گئیں،ایس او پیز پرعملدرآمد نہ کرنے والے افراد کو 1 لاکھ 82 ہزار روپے سے زائد کے جرمانے کیے گئے۔

انہوں نے بتایا کہ ایس او پیز پرعمل نہ کرنے والے 102 ہوٹلوں اور 456 دکانوں کوسیل کیا گیا،ایس او پیز کی خلاف ورزی پر107 افراد کوگرفتار کیا گیا،کرونا کے دوران گراں فروشی کرنے والوں کو 10لاکھ روپے سے زائد کے جرمانے کیے گئے۔

fb-share-icon0
Tweet 20

Comments

comments

یہ بھی پڑھیں