واشنگٹن: امریکی ریاست لوسیانا میں مچھروں نے اپنے زہریلے وار سے درجنوں مویشیوں کو موت کے گھاٹ اتار دیا۔
غیرملکی خبررساں ادارے کی رپورٹ کے مطابق امریکی ریاست لوسیانا میں سمندری طوفان کے بعد جان لیوا مچھروں نے حملے شروع کردیے جس کے نتیجے میں اب تک درجنوں جانور ہلاک ہوچکے ہیں۔
رپورٹ کے مطابق لیورا نامی سمندری طوفان کی تباہی کے فوراً بعد ریاست میں جان لیوا مچھروں کا چیلنج کھڑا ہوچکا ہے، لویسانا کے جنوبی حصے میں اب تک متعدد مویشی مارے جاچکے ہیں۔
مذکورہ ریاست میں 27 اگست کو طوفان نے نظام زندگی شدید متاثر کیا تھا اور اب کسانوں کے لیے اپنے جانوروں کی حفاظت ایک بڑا مسئلہ بن چکا ہے، ہلاک ہونے والوں میں گھوڑے، ہرن اور گائے شامل ہیں۔
مویشی پالنے والے ایک شہری کا کہنا تھا کہ مچھروں کے جھنڈ نے میری بیل کو ڈنگ مار کر ہلاک کردیا۔
رپورٹ میں کہا گیا ہے کہ اڑنے والے کیڑے جھنڈ کی شکل میں جانورں پر حملہ کررہے ہیں، مچھروں کی جانب سے خون چوسنے کے باعث مویشیوں کی کھالوں پر گہرے نشانات پڑ جاتے ہیں۔
مچھروں کے ان حملوں سے فی الحال بکریاں محفوظ ہیں کیوں کہ فارمز میں انہیں خصوصی حصار میں رکھا جاتا ہے جہاں مچھروں سمیت دیگر کیڑوں کے داخلے کی جگہ نہیں ہوتی۔
