The news is by your side.

Advertisement

آئی جی پنجاب کی تبدیلی کا نوٹی فکیشن جاری ، انعام غنی آئی جی ریلوے پولیس تعینات

لاہور : پنجاب حکومت نے آئی جی پنجاب اور چیف سیکرٹری کی تبدیلی کا نوٹی فکیشن کرتے ہوئے انعام غنی کو آئی جی ریلوے پولیس تعینات کر دیا۔

تفصیلات کے مطابق وفاقی کابینہ کی منظوری کے بعد آئی جی پنجاب اورچیف سیکرٹری کی تبدیلی کا نوٹی فکیشن جاری کردیاگیا، نوٹی فکیشن میں کہا گیا ہے کہ آئی جی پنجاب انعام غنی کوآئی جی ریلوےتعینات کردیا ہے۔

نوٹی فکیشن میں کہا ہے کہ کامران علی افضل کو چیف سیکرٹری پنجاب اور جوادرفیق ملک کووفاقی سیکریٹری انڈسٹریز تعینات کیا گیا ہے۔

یاد رہے وزیراعظم عمران خان کی زیر صدارت وفاقی کابینہ کے اجلاس میں راؤ سردار کونیا آئی جی پنجاب بنانے اور کامران علی افضل کوچیف سیکریٹری پنجاب تعینات کرنے کی منظوری دی گئی تھی۔

خیال رہے نئے تعینات آئی جی راؤ سردار سیف سٹی پراجیکٹ کے سربراہ ہیں ، راؤ سردار گزشتہ 3سالوں میں تعینات ہونیوالے چھٹےآئی جی پنجاب ہیں جبکہ کامران افضل اسوقت سیکریٹری صنعت کی خدمات سرانجام دے رہےہیں اور وہ پنجاب میں 3سال کے دوران تعینات 5ویں چیف سیکریٹری ہیں۔

Comments

یہ بھی پڑھیں