The news is by your side.

Advertisement

دہشت گردوں کی مالی معاونت اور منی لانڈرنگ پر 14 مقدمات درج

کراچی: دہشت گردوں کی مالی معاونت اور منی لانڈرنگ کے معاملے پر سی ٹی ڈی نے 14 مقدمات درج کرلیے۔

تفصیلات کے مطابق انچارج سی ٹی ڈی راجہ عمر خطاب نے اے آر وائی نیوز سے خصوصی گفتگو کرتے ہوئے کہا کہ مقدمات ایم کیو ایم لندن، القاعدہ اور لشکر جھنگوی کے خلاف درج کیے گئے ہیں۔

انچارج سی ٹی ڈی نے کہا کہ سپاہ صحابہ، جماعت الدعوۃ، سپاہ محمد کے خلاف بھی منی لانڈرنگ اور دہشت گردوں کی مالی معاونت کرنے پر مقدمات درج کیے گئے ہیں۔

تحریک طالبان پاکستان کے خلاف بھی مقدمہ درج کیا گیا

راجہ عمر خطاب انچارج سی ٹی ڈی

راجہ عمر خطاب کا کہنا ہے کہ تحریک طالبان پاکستان کے خلاف بھی مقدمہ درج کیا گیا ہے، دہشت گردوں کی مالی معاونت کرنے والے دیگر افراد کے خلاف بھی مقدمات درج کیے ہیں۔

انچارج سی ٹی ڈی نے کہا کہ مینڈیٹ ملنے کے بعد مقدمات درج کیے ہیں، اب کاؤنٹر ٹیررازم ڈیپارٹمنٹ بھی ان دہشت گردوں کی مالی معاونت اور منی لانڈرنگ کے مقدمات درج کیا کرے گی۔

انہوں نے کہا کہ ایف آئی اے نے بھی سی ٹی ڈی سندھ کو کچھ انکوائریز بھجوائی تھیں، سی ٹی ڈی نے انکوائریز مکمل کرنے کے بعد کالعدم تنظیموں کے خلاف مقدمات درج کیے۔

راجہ عمر خطاب نے مزید کہا کہ انکوائریز کالعدم جماعتوں اور دیگر کے خلاف ہیں۔

Comments

comments

یہ بھی پڑھیں