The news is by your side.

Advertisement

اسلام آباد میں لڑکیوں کا ہراساں کرنے کا واقعہ

وفاقی دارالحکومت اسلام آباد میں غیر ملکی لڑکیوں سے ہراسانی کے معاملے پر پولیس حرکت میں آگئی۔

تفصیلات کے مطابق تھانہ کوہسار کےعلاقہ سنیاڑی جنگل میں لڑکیوں کو ہراساں کرنے کے واقعے پر ڈی آئی جی آپریشنز نے نوٹس لے لیا۔

ڈی آئی جی آپریشنز نے ایس پی سٹی کو ملزمان کی فوری گرفتاری کی ہدایت کرتے ہوئے کہا ہے کہ واقعے میں ملوث تمام کرداروں اور سہولت کاروں کو جلداز جلد قانون کی گرفت میں لایا جائے۔

اطلاعات کے مطابق 3 غیرملکی لڑکیاں سنیاڑی جنگل میں گئیں اور راستہ بھول گئیں جہاں ان لڑکیوں کوہراساں کیا گیا تاہم  مزاحمت پر تینوں افراد موقع سےفرارہوگئے۔ لڑکیوں کا تعلق اٹلی، ترکی اور ناروے سے بتایا جاتا ہے۔

پولیس نےاطلاع ملتےہی جنگل میں لڑکیوں کوبحفاظت تلاش کرلیا جب کہ سرچ آپریشن کیا جا رہاہے اور ملوث ملزمان کو گرفتار کرنے کے لیے پولیس بھرپور کارروائیاں کررہی ہے۔

 ترجمان اسلام آباد پولیس کا کہنا ہے کہ ملوث ملزمان کو جلدازجلد گرفتار کر لیا جائے گا۔

Comments

یہ بھی پڑھیں