قومی اسمبلی، انکم ٹیکس ترمیمی آرڈیننس منظور، اپوزیشن کا واک آؤٹ -
The news is by your side.

Advertisement

قومی اسمبلی، انکم ٹیکس ترمیمی آرڈیننس منظور، اپوزیشن کا واک آؤٹ

اسلام آباد : قومی اسمبلی کے آج کے اجلاس میں انکم ٹیکس ترمیمی آرڈیننس میں توسیع کی قرارداد کثرت رائے سے منظور کرلی گئی ہے جب کہ پیپلز پارٹی اور ایم کیو ایم نے واک آﺅٹ کیا۔

تفصیلات کے مطابق اسپیکر ایاز صادق کی زیر صدارت قومی اسمبلی کے آج ہونے والے اجلاس میں انکم ٹیکس ترمیمی آرڈیننس میں توسیع کی قرارداد کثرت رائے سے منظور کرلی گئی ہے۔

ذرائع کے مطابق اِنکم ٹیکس ترمیمی آرڈیننس2016 میں ٹیکس نادہندگان کو مزید 120 یوم کی توسیع کی منظوری دی گئی ہے۔

آرڈیننس کے خلاف اپوزیشن جماعتیں پیپلز پارٹی اور ایم کیو ایم کے اراکینِ اسمبلی نے اس قرارداد پر اپوزیشن کو اعتماد میں نہ لینے، اظہارِ خیال کا موقع نہ دینے اور بل کے بجائے آرڈیننس کی صورت میں پیش کرنے پر اجلاس سے واک آﺅٹ کرگئے۔

اس موقع پر ایم کیو ایم کے رکن اسمبلی رشیدگو ڈیل نے کہا ہے کہ جب مسلم لیگ (ن) اپوزیشن میں تھی توآرڈیننس لانے اور توسیع پر بہت واویلا کرتی تھی اور اسے جمہوریت کے منافی قرار دیتی تھی جب کہ آج خود بھی اس روش پر چل پڑی ہے۔

جمعیت علمائے اسلام (فضل الرحمان) کے اراکین اس قرارداد کی منظوری کے خلاف اپوزیشن کے واک آؤٹ کا حصہ نہیں بنے جب کہ پاکستان تحریکِ انصاف اسمبلی سے مسلسل بائیکاٹ کی وجہ سے آج کے اجلاس میں بھی شریک نہیں تھی۔

Comments

comments

یہ بھی پڑھیں