The news is by your side.

Advertisement

پشاور ایئرپورٹ:پرندوں کےطیاروں سے ٹکرانےکے واقعات پر سی اے اے کا اہم فیصلہ

پشاور: پشاور ائیرپورٹ کے اطراف گندگی اور پرندوں کے طیاروں سے ٹکرانے کے واقعات میں اضافے پر حکام نے بڑا فیصلہ کیا ہے۔

ائیرپورٹ منیجر کے مطابق ایئر پورٹ کے اطراف صفائی ستھرائی کے ناقص انتظامات کے باعث گندگی پر منڈلانے والے پرندے جہازوں سے ٹکرانے کی وجہ بن رہے ہیں،پرندے ٹکرانے سے جہاز اور مسافروں کو خطرات لاحق ہوسکتے ہیں۔

ائیرپورٹ منیجر کے مطابق ضلعی انتظامیہ ائیرپورٹ کے اطراف کچرے کو ٹھکانے اور صفائی کے انتظامات کو یقینی بنائے، ریسٹورنٹ اور گوشت کی دکانوں کو صفائی ستھرائی کا پابند کرے عیدالاضحی بھی قریب ہے اسکے لئے بھی اقدامات اٹھائے جائیں۔

خیال رہے کہ ایئرپورٹ کے اطراف میں رہائشی آبادیوں میں کچرے کی وجہ سے پرندوں کا ایئر پورٹ پر آنا معمول بن گیا ہے، پرندوں کے ٹکرانے کی وجہ سے طیاروں کو بے تحاشہ نقصان پہنچتا ہے جس کے بعد طیاروں کی مرمت پر خطیر رقم خرچ ہوتی ہے۔

یہ بھی پڑھیں: کراچی اور لاہور ایئرپورٹ کے اطراف پرندوں کے خاتمے کیلئے برڈ شوٹرز فعال

دوسری جانب عید الاضحیٰ کے موقع پر آلائشیں پھینکے جانے کے پیش نظر سول ایوی ایشن نے آگاہی مہم شروع کردی ہے سی اے اے کا کہنا ہے کہ آلائشوں کے پڑے رہنے سے پرندوں کی آمد بڑھ جاتی ہے جس سے طیاروں کو نقصان کا خطرہ ہوتا ہے۔

سی اے اے کا کہنا ہے کہ کوشش ہے کچرے کے باعث آنے والے پرندوں سے طیاروں کو نقصان نہ پہنچے، آلائشوں کے پڑے رہنے سے پرندوں کی آمد بڑھ جاتی ہے۔

سی اے اے نے اپیل کی ہے کہ قومی اثاثوں اور فضائی سفر محفوظ بنانے کے لیے شہریوں کو کردار ادا کرنا ہوگا، عید الاضحیٰ پر جانوروں کی باقیات اور کچرا مقررہ جگہوں پر ہی پھینکیں۔

Comments

یہ بھی پڑھیں