The news is by your side.

Advertisement

کرونا کیسز میں اضافہ، سندھ کے اسپتالوں میں طبی عملہ بھرتی کرنے کی اجازت

کراچی: کورونا وائرس کے کیسز میں اضافے اور اسپتالوں میں مریضوں کے بڑھتے دباؤ کے باعث سندھ حکومت نے صوبے کے  اسپتالوں میں اسٹاف کی بھرتی کی اجازت دے دی ہے۔

اے آر وائی نیوز کے مطابق محکمہ صحت سندھ نے سول اسپتال ، سروسز اسپتال ، لیاری جنرل اسپتال ، لیاقت یونیورسٹی اسپتال ، حیدرآباد جام شورو ، غلام محمد مہر میڈیکل کالج کے ایم ایس کو اسٹاف کی بھرتی کا مراسلہ بھیجا  ہے۔

محکمہ صحت سندھ کی جانب سے جاری مراسلے میں کہا گیا کہ کرونا وائرس کی ڈیوٹی کےلیے آئی سی یو اور ہائی ڈیسنٹی یونٹ ( ایچ ڈی یو) کےلیے اسٹاف بھرتی کیا جاسکتا ہے، یہ اسٹاف سرکاری اسپتال میں بھرتی ہوگا، جو کورونا کیسز کے حوالے سے اپنی خدمات انجام دے گا۔

محکمہ صحت کی جانب سے کہا گیا ہے کہ یہ اسٹاف نواسی روز کے لیے بھرتی کیا جائے گا، اس دوران انہیں تمام واجبات بھی ادا کیے جائیں گے۔

یہ بھی پڑھیں: کراچی کے مختلف اسپتالوں میں 51 کورونا کے مریض وینٹی لیٹر پر

دوسری جانب آج وزیراعلیٰ سندھ سید مراد علی شاہ نے کرونا وائرس کی صورتحال پر جاری بیان میں بتایا کہ صوبے میں چوبیس گھنٹےمیں کرونا کے1402نئےکیسز سامنے آئے، چودہ سو دو کیسزمیں سے1148کا تعلق کراچی سے ہے۔

مراد علی شاہ نے بتایا کہ چوبیس گھنٹوں کے دوران کرونا سے19مریض انتقال کرگئے، جس کے بعد صوبے میں وبا سے انتقال کرجانے والوں کی تعداد 2885ہوگئی ہے۔

وزیراعلیٰ سندھ کا مزید کہنا تھا کہ کرونا کے774مریض مختلف اسپتالوں میں زیر علاج ہیں، جن میں سے 684مریضوں کی حالت تشویشناک بتائی گئی ہے۔

Comments

یہ بھی پڑھیں