The news is by your side.

Advertisement

اسموگ میں اضافہ، وزیراعلیٰ پنجاب کی متعلقہ اداروں کو چوکس رہنے کی ہدایت

لاہور: وزیراعلیٰ پنجاب عثمان بزدار نے لاہور و گردونواح میں اسموگ میں اضافے پراظہارتشویش کرتے ہوئے محکمہ ماحولیات، انتظامیہ اورمتعلقہ اداروں کو ہمہ وقت چوکس رہنے کی ہدایت کردی۔

تفصیلات کے مطابق وزیراعلیٰ پنجاب عثمان بزدارنے ٹائر جلانے پر پابندی پرسختی سےعملدرآمد کرانے کا حکم دیتے ہوئے کہا ہے کہ اسموگ سے متعلق احتیاطی تدابیرکیلئے مؤثر آگاہی مہم چلائی جائے۔

عثمان بزدار نے کہا کہ اسموگ میں اچانک اضافے سے شہریوں کومشکلات ہیں ان مشکلات کےازالےکیلئےمتعلقہ محکمےفوری اقدامات اٹھائیں جب کہ محکمہ ماحولیات،انتظامیہ اورمتعلقہ ادارےہمہ وقت چوکس رہیں۔

دوسری جانب شہرمیں تیزہوائیں چلنےکےباعث اسموگ میں کمی آئی ہے اور محکمہ موسمیات نے رات گئے شہر اورگردونواح میں بارش کاامکان ظاہر کیا ہے۔

ادھر وزیرتعلیم پنجاب مراد راس نے اسموگ کی صورتحال پر کہا ہے کہ لاہورمیں اسموگ کی لہرکومسلسل مانیٹرکیاجارہاہے۔

Comments

comments

یہ بھی پڑھیں