تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

ملک میں لاک ڈاؤن کی وجہ سے انٹرنیٹ کے استعمال میں اضافہ

اسلام آباد: ملک میں کروناوائرس کے پیش نظر نافذ العمل لاک ڈاؤن کے باعث انٹرنیٹ کے استعمال میں اضافہ ریکارڈ کیا گیا جبکہ سوشل میڈیا پر بھی صارفین کی سرگرمیاں بڑھ گئی ہیں۔

تفصیلات کے مطابق پاکستان ٹیلی کام اتھارٹی(پی ٹی اے) کا کہنا ہے کہ گزشتہ ہفتے کے مقابلے میں انٹرنیٹ 15 فیصد زیادہ استعمال ہوا، اضافے کی وجہ تعلیمی اور کاروباری مراکز کی آن لائن سرگرمیاں ہیں۔

پی ٹی اے نے بتایا کہ گھر سے دفتری امور کی انجام دہی سے بھی انٹرنیٹ زیادہ استعمال ہوا۔ خیال رہے کہ ملک بھر میں لاک ڈاؤن کے باعث نوجوان طبقہ بھی گھروں میں بند ہے جن کی رسائی انٹرنیٹ تک زیادہ ہے۔

بہت سے شہریوں نے سوشل میڈیا پر بھی اپنی سرگرمیاں بڑھادی ہیں۔ جبکہ کئی نوجوان انٹرنیٹ کے ذریعے آن لائن گیمز بھی کھیل رہے ہیں۔ یہی وجہ ہے کہ رواں ہفتے انٹرنیٹ کے استعمال میں اضافہ دیکھنے میں آیا۔

خیال رہے کہ پاکستان میں کرونا کو شکست دینے والوں کی تعداد اکیس ہوگئی جبکہ ملک بھر میں1102افراد کرونا وائرس سے متاثر اور آٹھ اموات ہوگئیں۔ وفاقی حکومت ہرممکن اقدامات کررہی ہے۔

Comments

- Advertisement -