نئی دہلی: بھارت اور نیوزی لینڈ کے درمیان تین ایک روزہ بین الاقوامی میچوں کی سیریز کا تیسرا اور فیصلہ کن میچ 18 جنوری کو ہولکر کرکٹ سٹیڈیم، اندور کے مقام پر کھیلا جائے گا۔ دونوں ٹیموں کے درمیان تین میچوں کی سیریز 1-1 سے برابر ہے۔
بھارت نے پہلے ایک روزہ کرکٹ میچ میں نیوزی لینڈ کو 4 وکٹوں سے زیر کیا تھا تاہم کیوی ٹیم نے دوسرے ون ڈے میچ میں بھارتی ٹیم کو نہ صرف 7 وکٹوں سے ہرایا بلکہ سیریز بھی 1-1 سے برابر کر دی۔
رپورٹس کے مطابق نیوزی لینڈ اپنے دورہ بھارت کے دوران میزبان ٹیم کے خلاف تین ایک روزہ میچوں کی سیریز کے علاوہ 5 ٹی ٹونٹی بین الاقوامی میچوں کی سیریز کھیلے گی۔
3 ون ڈے میچوں کی سیریز کا تیسرا میچ دونوں ٹیموں کے درمیان 18 جنوری کو ہولکر کرکٹ اسٹیڈیم، اندور میں ہوگا، بھارتی ٹیم کی قیادت شبمن گل کر یں گے جبکہ کیوی ٹیم کی قیادت مچل سینٹنر کریں گے۔
بنگلہ دیشی کھلاڑیوں کا ڈائریکٹر کرکٹ بورڈ کے استعفے کا مطالبہ، وجہ سامنے آگئی
نیوزی لینڈ کی ٹیم ون ڈے سیریز مکمل ہونے کے بعد ناگپور جائے گی جہاں پانچ ٹی ٹونٹی میچوں کی سیریز کا پہلا میچ 21جنوری کو کھیلا جائے گا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں