نیوزی لینڈ کے کپتان کین ولیمسن نے بھارت کے خلاف سیریز سے قبل ہی ٹرافی ’جیت‘ لی۔
نیوزی لینڈ اور بھارت کے خلاف 3 ٹی ٹوئنٹی پر مشتمل سیریز کا آغاز 18 نومبر جمعہ سے ہو گا جب کہ تین میچوں کی ون ڈے سیریز 25 نومبر سے کھیلی جائے گی۔
سیریز کے لیے بنائی گئی ٹرافی کی آج رونمائی کے دوران اس وقت دلچسپ صورتحال پیدا ہو گئی جب کین ولیمسن نے بھارتی کپتان کے سامنے گرتی ٹرافی کو تھام لیا۔
"I'll have that!" 🙌 🏆 #NZvIND #CricketNation pic.twitter.com/KiQL8IkzUK
— BLACKCAPS (@BLACKCAPS) November 16, 2022
ٹرافی کی رونمائی کے لیے دونوں کپتان یادگاری تصاویر بنوا رہے تھے کہ اس دوران تیز ہوا چلنے سے اسٹینڈ لڑکھڑایا اور ٹرافی گرنے ہی والی تھی کہ کین ولیمسن سے حاضر دماغی کا ثبوت دیتے ہوئے ٹرافی تھام لی۔
کیوی کپتان نے ٹرافی لے کر ایک قدم دور گئے اور یہ پیغام دیا کہ یہ ہم نے جیت لی۔ دونوں کپتان مسکراتے رہے تھے اور پھر خوشگوار انداز میں فوٹو شوٹ کروایا۔
