The news is by your side.

Advertisement

فاٹا سے آزاد رکن مرزا آفریدی مسلم لیگ ن میں شامل

اسلام آباد : سابق وزیراعظم نواز شریف سے ملاقات میں فاٹا سے آزاد رکن مرزا آفریدی مسلم لیگ ن میں شامل ہوگئے۔

تفصیلات کے مطابق مسلم لیگ ن نے چئیرمین اور ڈپٹی چئیرمین سینیٹ کے عہدوں کے حصول کے لئے کوششیں تیز کر دیں، نواز شریف کی زیر صدارت مرکزی رہنماوں کا اجلاس اسلام آباد میں ہوا، اجلاس میں مریم اورنگزیب اور دیگر پارٹی رہنما شریک ہوئے۔

غیر رسمی مشاورتی اجلاس میں اتحادی اور اپوزیشن جماعتوں کے ساتھ فوری رابطوں کا فیصلہ کیا گیا، اجلاس میں فیصلہ ہوا کہ چئیرمین اور ڈپٹی چئیرمین سینیٹ کے ناموں کی نامزدگی اتحادیوں کے ساتھ مشاورت کے بعد کی جائے گی۔

دوسری جانب فاٹا سے آزاد رکن مرزا آفریدی نے نواز شریف سے ملاقات کی اور مسلم لیگ ن میں شمولیت اختیار کرلی۔

اجلاس کے بعد میڈیا سے گفتگو کرتے ہوئے امیر مقام کا کہنا تھا کہ ایوان بالا میں ن لیگ اکیلے چئیرمین اور ڈپٹی چئیرمین سینیٹ منتخب کرانے کی پوزیشن میں نہیں۔ دیگر جماعتوں کے ساتھ رابطے کئے جا رہے ہیں۔

انکا کہنا تھا کہ جلد مزید آزاد سینیٹز کو ن لیگ میں شمولیت کی دعوت دی جائے گی۔

خیال رہے کہ چئیرمین سینیٹ کے انتخاب کیلئے ن لیگ کو انیس اور پیپلزپارٹی کو تینتیس ووٹ درکار ہیں، نمبر گیم کا جائزہ لیں تو مسلم لیگ ن کی پوزیشن مستحکم ہے۔

مسلم لیگ ن کو اپنے چونتیس ارکان کے ساتھ اتحادیوں کا آسرا بھی ہے جبکہ پشتونخواہ ملی عوامی پارٹی کے پانچ ، نیشنل پارٹی کے پانچ ، جے یو آئی ف کے چار اراکیں سمیت فاٹا کے کچھ ارکان بھی ساتھ۔ ہیں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں