جالندھر : بھارت میں مشتعل ہجوم نے دو چور خواتین کو رنگے ہاتھوں پکڑ کر ان کی درگت بنادی، پولیس نے موقع پر پہنچ کر دونوں کو گرفتار کرلیا۔
بھارت کے شہر جالندھر میں خواتین چوروں کا گروہ پولیس کے کردار پر سوالیہ نشان بن گیا تھا لیکن عوام نے ان کی مشکل آسان کردی۔
بھارتی میڈیا کے مطابق جالندھر کے بازار میں خریداری کیلئے ماں کے ساتھ آنے والی لڑکی کا پرس ایک عورت نے چوری کرلیا، عین موقع پر لڑکی کی والدہ کی نظر اس پر پڑگئی، جس کو فوراً پکڑ کر پرس برآمد کرلیا گیا۔
اتنے میں اس چور عورت کی ساتھی کو بھی فون کرکے بلوایا گیا اس دوران جائے واردات پر لوگوں کا ہجوم لگ گیا اور دونوں ماں بیٹی نے چور عورتوں کی خوب پٹائی کی اور بعد ازاں پولیس کے حوالے کردیا۔
اس حوالے سے پولیس حکام نے میڈیا کو بتایا کہ دو خواتین نے پرس چوری کیا تھا، ان دونوں کو تھانہ لے جایا گیا ہے اور خریداری کیلیے آنے والی ماں بیٹی کو بھی ساتھ لے کر معاملہ کی تفتیش کی جارہی ہے۔
