The news is by your side.

Advertisement

بھارت کی ہٹ دھرمی ، صدر ٹرمپ کی کشمیر پرثالثی کی پیشکش پھر مسترد

نئی دہلی : بھارت نےصدرٹرمپ کی کشمیرپرثالثی کی پیشکش مستردکردی اور کہا کشمیرپاکستان،بھارت کادوطرفہ معاملہ ہے ، کسی تیسرے فریق کا کوئی کردارنہیں۔

تفصیلات کے مطابق مسئلہ کشمیر پر بھارت نے ہٹ دھرمی کا مظاہرہ کرتے ہوئے امریکی صدرٹرمپ کی کشمیرپرثالثی کی پیشکش مسترد کر دی، ترجمان بھارتی وزارت خارجہ رویش کمار نے کہا ہے کہ کشمیرپاکستان،بھارت کادوطرفہ معاملہ ہے، مسئلہ کشمیرمیں کسی تیسرے فریق کا کوئی کردار نہیں۔

ترجمان بھارتی وزارت خارجہ کا کہنا تھا کہ پاکستان سے تنازعات باہمی طور پر ہی حل کئے جانے چاہئیں۔

مزید پڑھیں : امریکی صدر نے ایک بار پھر مسئلہ کشمیر پر ثالثی کی پیشکش کر دی

یاد رہے صدرٹرمپ نے ڈیووس میں عمران خان سےمسئلہ کشمیرپرثالثی کی پیشکش کرتے ہوئے کہا تھا کہ پاکستان اور بھارت کے درمیان ثالثی کے لیے کردار ادا کر سکتا ہوں۔

ڈونلڈ ٹرمپ نے مسئلہ کشمیر پر ایک بار پھر ثالثی کی پیشکش کرتے ہوئے کہا کہ پاکستان اور بھارت کے درمیان ثالثی کے لیے کردار ادا کر سکتا ہوں، عمران خان میرے دوست ہیں، ان سے دوبارہ ملاقات پر خوشی ہوئی۔

اس سے قبل  امریکی صدرمتعددمرتبہ مسئلہ کشمیرپرثالثی کی پیشکش کرچکے ہیں اور کہا تھا کہ پاکستان اور بھارت کی قیاد ت سےجلد ملاقات کروں گا، امید ہے مسئلہ کشمیر پر ثالثی اور کشیدگی کے خاتمے کیلئے پیشرفت ہوگی، دونوں ممالک ایٹمی طاقتیں ہیں، معاملات ٹھیک کرنا ہوں گے۔

fb-share-icon0
Tweet 20

Comments

comments

یہ بھی پڑھیں