The news is by your side.

Advertisement

بھارت: چلتی ٹرین کے انجن میں جانور پھنس گیا، پھر کیا ہوا؟

چھپرا: بھارتی ریاست بہار میں ایک ریل بڑے حادثے سے بال بال بچ گئی، ریل کے انجن میں ایک جانور پھنس گیا تھا جس کی وجہ سے انجن میں لگا ویکیوم پائپ پھٹ گیا۔

تفصیلات کے مطابق ریاست بہار کے ضلع سارن میں گوتم استھان اسٹیشن کے قریب ہفتے کو سدبھاؤنا ایکسپریس کے ساتھ حادثہ پیش آ گیا، جس کے باعث انجن کا ویکیوم پائپ پھٹ گیا اور ریل خوف ناک حادثے سے بچ گئی۔

ریل گاڑی رکسول سے آنند وہار ٹرمینل جا رہی تھی، چھپرا جنکشن سے نکل کر گوتم استھان ریلوے اسٹیشن کے قریب ایک ریلوے کراسنگ پر ایک مویشی اس کی زد میں آ گیا۔

ریل کے ڈرائیور نے ایمرجنسی بریک لگا کر ریل روکنے کی کوشش کی، لیکن رکتے رکتے بھی اس نے 2 کلو میٹر کا فاصلہ طے کیا، اس دوران انجن میں جانور پھنسنے کی وجہ سے انجن میں لگا ویکیوم پائپ پھٹ گیا۔

رپورٹس کے مطابق انجن کے ویکیوم پائپ پھٹنے سے ریل کو بڑا حادثہ پیش آ سکتا تھا لیکن حادثہ ٹل گیا۔

حادثے کی اطلاع گوتم استھان اسٹیشن سے چھپرا جنکشن کو دی گئی، جس پر چھپرا جنکشن سے ٹیم حادثے کی جگہ پر پہنچ گئی، ٹیم نے مویشی کو انجن سے نکالا، اور ویکیوم پائپ لگا کر ٹرین کو آگے بڑھایا۔

حادثے کی وجہ سے ڈھائی گھنٹے تک ٹرینوں کی آمد و رفت متاثر رہی۔

Comments

یہ بھی پڑھیں