The news is by your side.

Advertisement

بھارتی فوج کے ہاتھوں 4 کشمیریوں کا قتل؛ پاکستان کا ردعمل آگیا

پاکستان نے مقبوضہ کشمیر میں بھارتی فوج کے ہاتھوں 4 نوجوانوں کے قتل کی مذمت کرتے ہوئے زور دیا ہے کہ ‏یواین قراردادوں کی روشنی میں کشمیریوں کو حق خودارادیت دیا جائے۔

ترجمان دفترخارجہ نے مقبوضہ وادی میں بھارتی فوج کی بربریت اور انسانی حقوق کی خلاف ورزیوں پر بیان میں ‏کہا ہے کہ مقبوضہ کشمیرمیں غیر قانونی محاصرہ اورتلاشی قابل مذمت ہے۔

ترجمان نے کہا کہ بھارت مقبوضہ کشمیراوراندرونی مسائل سےتوجہ ہٹانےکی کوشش کر رہا ہے بھارت مسائل ‏توجہ ہٹانےکیلئے اوچھے ہتھکنڈوں کااستعمال کررہا ہے بھارت پاکستان کےخلاف بلیم گیم کا جھوٹا پروپیگنڈا کر ‏رہا ہے۔

بیان میں واضح کیا گیا ہے کہ پاکستان امن پسندہےلیکن کسی بھی جارحیت کامنہ توڑ جواب دے گا بالاکوٹ میں ‏بھارتی غلط فہمی پر پاکستان کا ردعمل یاد رکھنا چاہیے۔

دفترخارجہ کا کہنا ہے کہ بھارت ریاستی سرپرستی میں دہشت گردی بندکرے بھارت کشمیرمیں انسانی حقوق کی ‏خلاف ورزیاں اور محاصرہ بندکرے اور یواین قراردادوں کی روشنی میں کشمیریوں کو حق خودارادیت دیا جائے۔

Comments

یہ بھی پڑھیں