بھارت کی سیاست انڈر 19 کرکٹ ورلڈ کپ تک بھی پہنچ گئی ہے۔
انڈر 19 ورلڈ کپ میں بھارت اور بنگلادیش کی ٹیمیں مدمقابل ہیں تاہم ٹاس کے موقع پر دونوں ٹیموں کے کپتانوں نے ہاتھ نہ ملایا۔
مستفیض الرحمٰن کو آئی پی ایل سے نکالنے پر بھارت اور بنگلادیش کرکٹ میں کشیدگی برقرار ہے۔
بنگلادیش کی ٹیم بھارت میں کھیلنے سے انکار کر چکی ہے۔ آئی سی سی ٹی ٹوئنٹی ورلڈ کپ بھارت اور سری لنکا میں ہونا ہے۔
اس سے پہلے پاکستان اور بھارت کی کرکٹ ٹیموں کے درمیان بھی میچ سے پہلے ہاتھ نہیں ملائے گئے تھے۔
Toss news ️#TeamIndia will bat first in their second group game Bangladesh!️#ICCMensU19WC | #INDvBAN LIVE NOW ➡️ https://t.co/DGP23ftABG pic.twitter.com/5hZ9PFHbFL
— Star Sports (@StarSportsIndia) January 17, 2026
بھارتی میڈیا کے مطابق بنگلادیش نے آئی سی سی وفد میں شامل بھارتی اہلکار کو ویزہ دینے سے انکار کر دیا۔ آئی سی سی کےدو رکنی وفد کو ورلڈ کپ کے وینیوز کے معاملے پر بنگلادیش کا دورہ کرنا تھا۔
آئی سی سی وفد میں ہیڈ آف اینٹی کرپشن اینڈ سیکیورٹی اور بھارت سے تعلق رکھنے والے سینیئر ایگزیکٹو شامل تھے۔
بنگلادیش نے صرف ہیڈ آف اینٹی کرپشن اینڈ سیکیورٹی کو ویزہ جاری کیا۔آئی سی سی وفد کے دورے کا مقصد ورلڈکپ کے وینیوز کی تبدیلی پر بات چیت کرنا تھی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں