بھارت نے پاکستانی مریضوں کے ویزوں پرپابندی لگا دی -
The news is by your side.

Advertisement

بھارت نے پاکستانی مریضوں کے ویزوں پرپابندی لگا دی

اسلام آباد : دشمنی میں بھارت تمام حدیں عبور کرنے لگا، بھارت نے پاکستانی مریضوں کے  ویزوں پرپابندی لگا دی۔

تفصیلات کے مطابق بھارت نے ہٹ دھرمی کا مظاہرہ کرتے ہوئ علاج کی غرض سے بھارت جانے والے پاکستانی مریضوں کے ویزوں کے اجرا پر پابندی عائد کر دی ہے، بھارت کا مریضوں کو ویزا جاری نہ کرنے پر پاکستان نے اظہار تشویش کیا۔

پاکستانی دفتر خارجہ نے مریضوں کیلئے ویزے کے معاملے پر بھارت کی اس بے حسی پر تشویش کا اظہار کرتے ہوئے بھارتی سفارتکار کو دفتر خارجہ بلوا کر احتجاج کیا۔

سفارتی ذرائع کے مطابق گذشتہ دو ماہ سے کسی بھی پاکستانی مریض کو ویزے کا اجرا نہیں کیا گیا۔

دوسری جانب مودی سرکار نے ویزوں کے اجرا کا طریقہ کار بھی تبدیل کر دیا ہے، جس کے تحت بھارت کے لیئے میڈیکل ویزے کا حصول مشکل ہو گیا ہے۔

خیال رہے کہ بھارت کی جانب سے مریضوں کیلئے ویزوں کے اجرا پر پابندی سے ہزاروں پاکستانی مریض متاثر ہونگے، کیونکہ پاکستان سے دل ، جگر اور گردے کے امراض میں مبتلا لاکھوں مریض علاج کے لیے بھارت جاتے تھے۔


مزید پڑھیں : بھارتی انتہا پسندوں کی دھمکیاں، 50 پاکستانی طلبا وطن واپس


یاد رہے چند روز قبل  بھارت جانے والے پاکستانی طلبا و اساتذہ کے وفد کو بھارت میں جان کے لالے پڑ گئے تھے، انتہا پسندوں کی دھمکیاں کے بعد پاکستانی طلباء و اساتذہ کے 50 رکنی وفد کو پاکستان واپس بھیج دیا تھا۔

بھارتی وزارت خارجہ کے ترجمان نے کہا ہے کہ دونوں ممالک میں تعلقات کشیدہ ہیں، بچوں کو نہیں آناچاہیےتھا،این جی او کو بتادیا تھا یہ وقت سفارتی تبادلوں کا نہیں، پاکستانی طلبا اسی دن ہندوستان پہنچے، جس دن ہمارے فوجیوں کو مارنے اور ان کے لاشوں کو مسخ کرنے کا واقعہ ہواتھا۔

دفتر خارجہ نے پاکستانی بچوں کے ساتھ بھارتی ناروا سلوک کا نوٹس لیتے ہوئے کہا تھا کہ بھارتی حکومت کے سامنے یہ معاملہ اٹھائیں گے۔

Comments

comments

یہ بھی پڑھیں