ایشیاکپ: بھارت نے بنگلادیش کو 7 وکٹ سے شکست دے دی: AsiaCUP
The news is by your side.

Advertisement

ایشیاکپ 2018: بھارت نے بنگلادیش کو 7 وکٹوں سے شکست دے دی

دبئی: متحدہ عرب امارات میں جاری ایشیاکپ کے آج کھیلے جانے والے میچ میں بھارت نے بنگلادیش کو 7 وکٹوں سے شکست دے دی۔

تفصیلات کے مطابق ایشیاکپ 2018 کے سپرفور مرحلے میں بھارت نے بنگلادیش کو 7 وکٹوں سے ہرا دیا، بھارت نے بنگلادیش کا 174 رنز کا ہدف 37 ویں اوور میں حاصل کیا۔

میچ میں بھارتی کپتان روہت شرما نے 83 رنز کی ناقابل شکست اننگز کھیلی، اور ٹیم کی جیت میں مرکزی اور اہم کردار ادا کیا۔

دبئی میں کھیلے گئے میچ میں بنگلادیشی ٹیم آخری اوور میں 173 رنز پر آؤٹ ہوگئی تھی، رویندر جدیجانے 4، بمراہ اور بھونیشور نے 3،3 وکٹیں حاصل کیں۔

ایشیا کپ کا دوسرا بڑا اپ سیٹ، افغان ٹیم کے ہاتھوں‌ بنگلادیش کو عبرتناک شکست

اس سے قبل ایشیا کپ 2018 کے چھٹے میچ میں افغانستان کی ٹیم نے شاندار کھیل کا مظاہرہ کرتے ہوئے بنگلادیش کو 136 رنز سے شکست دے کر دوسرا بڑا اپ سیٹ کیا تھا۔

واضح رہے کہ افغانستان کی ٹیم نے مقررہ 50 اوورز میں 7 وکٹوں کے نقصان پر 255 رنز بنائے اور مخالف ٹیم کو جیت کے لیے 256 رنز کا ہدف دیا تھا۔

ہدف کے تعاقب میں بنگلادیشی ٹیم ابتداء سے ہی مشکلات میں نظر آئی، شکیب الحسن 32 اور محمود اللہ 27 رنز بناسکے ، 255 رنز کے جواب میں بنگال ٹائیگرز 119 پر ڈھیر ہوگئی تھی۔

Comments

comments

یہ بھی پڑھیں