ایشین گیمز: بھارتی ہاکی ٹیم کانسی کا تمغہ لے اڑی، پاکستان خالی ہاتھ وطن لوٹنے پر مجبور Asian Games
The news is by your side.

Advertisement

ایشین گیمز: بھارتی ہاکی ٹیم کانسی کا تمغہ لے اڑی، پاکستان خالی ہاتھ وطن لوٹنے پر مجبور

جکارتہ: ایشین گیمز کے ہاکی ایونٹ میں‌ بھارت نے پاکستان کو شکست دے کر تمغے سے محروم کر دیا.

تفصیلات کے مطابق انڈونیشیا میں کھیلے جانے والے 18 ویں ایشین گیمز میں‌ شکست کے عفریت نے پاکستان کا پیچھا نہیں چھوڑا.

تیسری پوزیشن کے میچ میں بھارت نے پاکستان کوہرا کر ایشین گیمز ہاکی ایونٹ میں کانسی کا میڈل اپنے نام کر لیا.

بھارتی ٹیم نے پاکستان کے خلاف میچ 1-2 سے اپنے نام کیا، میچ کے آخری حصے میں پاکستان نے واپسی کی کوشش کی، جو نتیجہ خیز ثابت نہیں ہوئی.

یاد رہے کہ ایشین گیمز ہاکی ایونٹ کے ابتدائی راؤنڈ میں پاکستان کی کارکردگی خاصی متاثر کن تھی، پاکستان لگاتار پانچ میچز جیتنے میں‌کامیاب رہا،  جس کے بعد امید کی جارہی تھی کہ پاکستانی ٹیم فائنل تک رسائی کر لے گی.

مزید پڑھیں: ایشین گیمز ہاکی: سیمی فائنل میں پاکستان کو جاپان کے ہاتھوں شکست

البتہ سیمی فائنل میں پاکستان کی خوش قسمتی کا سفر تمام ہوگیا، جہاں جاپان نے پاکستان کو ایک گول سے ہرا کر  گولڈ میڈل کی دوڑ سے باہر کر دیا، جاپان سے شکست کھا کر پاکستان نے اولمپکس میں براہِ راست کوالیفائی کرنے کا موقع بھی ضائع کر دیا.

بھارت سے شکست کے بعد اب پاکستان کو خالی ہاتھ وطن لوٹنا پڑے گا.

Comments

comments

یہ بھی پڑھیں